Microsoft Word nizami g?NC?Vi-sirl?R x?Zin?SI. doc

_______________ Milli Kitabxana _______________ 
113 
 
Daha bu torpaq üstə nəşədən bir əsər yox, 
Bu göy qübbə altında həyadan bir xəbər yox. 
 
Qalx, ey dərdli Nizami, bu dünyanı qucaqla, 
Ürəklər qana döndü, elə sən də qan ağla. 
 
                   Beşinci söhbət 
 
        QOCALIĞIN SİFƏTLƏRİ 
 
Ömrün gözəl günləri ötüşdü, gecə düşdü, 
1130
       Torpaq yellə öpüşdü, atəş suyla görüşdü. 
 
Günəş divardan aşdı, uyğudasan hələ sən, 
Sübhün bal yuxusunda hələ nəşələnirsən. 
 
Cahangirlik, mənəmlik qasırğasından əl çək! 
Qocasan, cavanlığın gur dalğasından əl çək! 
 
Yaralanmış ürəyin dərddən, qəmdən dağ almış, 
Sözlərinin duzu da, şəkəri də azalmış. 
 
Ağıl bir az pərişan, fikirlər də dağınıq, 
Ayaq yürüşdən, əl də işdən soyumuş artıq. 
 
Ayağını uzat ki, torpaq ülfət istəyir, 
1135
       Daha baş da, ayaq da istirahət istəyir. 
 
Bu kirli, kəsafətli, bu pak, ülvi dünyada, 
Asudəlikdən savay varmı bir özgə fayda?! 
 
Üzün, gözün soyudu Ayın ağ çeşməsi tək, 
Göyçək, al yanaqların soldu dağ laləsi tək. 
 
Saçın ağ, saçın qara... Başında səngərmi var? 
Türk ordusu elə bil zəncilərlə çarpışar. 
 

---