Тошкент-2021 3 Январь 2021 2-қисм Тошкент январь 2021 йил. Тошкент: «Tadqiqot»

Д. Ю. Ходжаева
Низомий номдаги ТДПУ доценти в.б., 
фалсафа фанлари номзоди 
Аннотация: Ушбу тезисда миллий ғоя туркумидаги фанларни замон талаблари асо-
сида ўқитиш зарурияти асосланиб, унинг афзалликлари таҳлил қилинган. 
Аннотация: В данном тезисе анализируются преимущества категории национальной 
идеи, основанной на необходимости обучения наукам в соответствии с современными тре-
бованиями.
Abstract: This thesis analyzes the advantages of the category of the national idea, based on 
the need to teach the sciences by modern requirements.
Миллий ғоя туркумидаги фанларни замон талаблари асосида ўқитиш зарурияти 
шундаки, бугун Ватанимиз мустақиллигига таҳдид солувчи, фуқароларимиз онги ва 
қалбини эгаллашга қаратилган зарарли ғояларнинг хавфи ядро майдонидаги хавфдан 
ҳам ортиқ. 
Бугунги кунда қурол-яроғ кучи билан зўравонлик қилиш эмас халқларни, мамла-
катларни, дунёни забт этиш учун жуда катта мафкуравий қудратга, ғоявий асосга эга 
бўлиш кераклигини ҳаёт кўрсатмоқда. ХХ аср цивилизацияси дунёни ақл-идрок билан 
забт этиш принципини юзага келтириб чиқарди. Шунинг учун ҳам бугун давлатлар 
қудрати, мамлакатлар салоҳияти ядровий полигонлар билан эмас, ғоявий, мафкуравий 
полигонлардаги салоҳияти билан ўлчанади. 
Мамлакатимиз Президенти Шавкат Мирзиёев таъкидлаганидек: “...ҳозирги вақтда 
ёшлар тарбияси биз учун ўз долзарблиги ва аҳамиятини ҳеч қачон йўқотмайдиган масала 
бўлиб қолмоқда.
Бугунги тез ўзгараётган дунё инсоният олдида, ёшлар олдида янги-янги, буюк имкони-
ятлар очмоқда. Шу билан бирга, уларни илгари кўрилмаган турли ёвуз хавф-хатарларга 
ҳам дучор қилмоқда. Ғаразли кучлар содда, ғўр болаларни ўз ота-онасига, ўз юртига қарши 
қайраб, уларнинг ҳаётига, умрига зомин бўлмоқда.
Бундай кескин ва таҳликали шароитда биз ота-оналар, устоз-мураббийлар, жамоат-
чилик, маҳалла-куй бу масалада ҳушёрлик ва огоҳликни янада оширишимиз керак. Бола-
ларимизни бировларнинг қўлига бериб қўймасдан, уларни ўзимиз тарбиялашимиз лозим”
1
.
Бугун миллий уйғониш руҳи, миллий ғоя ҳаётимизга тобора чуқурроқ кириб бор-
мокда. Шунингдек, баъзи хорижий мамлакатларда турли ғоя ва қарашлар ниқоби 
остида бизнинг миллий қадриятларимизга, умуман, барча миллат вакиллари 
ҳурмат қиладиган инсонийлик тамойилларга мутлақо тўғри келмайдиган номақбул 
ҳаракатлар телевидение орқали тез-тез кўзга ташланиб турибди. Дарҳақиқат, бундай 
ғайриинсоний ҳаракатларни кўрганда, инсон беихтиёр ўйлаб қолади: аслида, демо-
кратиядан мақсад инсоннинг қадр-қимматини жойига қўйиш эмасми? Куппа-кундуз 
куни, қип-яланғоч кўчага чиқиб турли намойишлар ўтказиб, кимларнидир ҳуқуқини та-
лаб қилмоқчи бўлаётган кимсалар аслида одамзоднинг энг буюк бойлиги бўлмиш юк-
сак туйғуларини ерга урмаяптими, ақл-заковат ва тафаккур, ор-номус соҳиби бўлган 
инсоннинг қадрини туширмаяптими? Инсонийликни ҳар нарсадан азиз билган халқимиз 
бундай “демократия”, бундай “эркинлик”ни асло қабул қилолмайди. Шу сабабли ҳам 
бундай ёт ва зарарли ғоя ҳамда ҳаракатларнинг турмуш тарзимизга кириб, ёшларнинг 
қалбини эгаллаши ва миллий урф-одат, қадриятларимизни қадрсизлантирилишига му-
росасиз бўлиш ҳар бир маърифатли инсоннинг ватанпарварлик бурчидир.
Айрим кучлар томонидан “демократия тарғиботи” шаклида амалга оширилаётган 
ишлар тўғридан-тўғри Ғарб турмуш тарзининг зўрма-зўраки “сохта демократия” ша-
клида тиқиштирилишига айланиб кетаяпти. Бундай ғоялар зарарли. Унга нисбатан куч-
1
Мирзиёев Ш.М. “Қонун устиворлиги ва инсон манфаатларини таъминлаш – юрт тараққиёти ва халқ фа-
ровонлигининг гарови”. Ўзбекистон Республикаси Президенти Шавкат Мирзиёевнинг Ўзбекистон Республи-
каси Конституцияси қабул қилинганлигининг 24 йиллигига бағишланган тантанали маросимдаги маърузаси// 
Халқ сўзи, 2016 йил 8-декабрь

---

20