D. I. Xashimov, D. A. Axmedov avtomobilning rama va kuzovlarini ishlab

5.4. Avtobus kuzovlarini payvandlash-yig‘ish
Avtobus kuzovlari ko‘p sonli profilli detallardan payvandlab 
yig‘ilgan metall karkaskdan tashkil topadi. Masalan, 11–12 m 
uzunlikdagi shahar avtobusi karkasining tarkibiga 300 ga yaqin 
ko‘ndalang balka, kuchaytirgich balkalari, ustun, lonjeron va 
boshqa detallar kiradi. 2.10-rasmda Mersedes avtobusining 
karkasi va tagligi ko‘rsatilgan. Payvandlash-yig‘ishda texnologik 
qiyinchiliklar bo‘lmaydi va ular yig‘ish uchun statsionar 
nuqtali payvandlash mashinalari yordamida yoki elektr gazli 
payvandlash bilan bajariladi.
Kuzovni umumiy payvandlash-yig‘ish operatsiyalari, 
odatda statsionar konduktorlarda (ular stapel yoki stend deb 
ataladi) bajariladi.
Kabina va kuzov detallarini bir-biriga biriktirish uchun 
boshqa usullardan ham foydalaniladi (5.9-rasm). Birikma turini 
tanlash prinsipial masala bo‘lib, nafaqat kuzov komponovkasiga, 
balki butun avtomobilga tegishli, bunda texnologik jihozlash va 
yig‘ishdagi qiyinchiliklar hisobga olinadi.
5.9-rasm. Kuzov korpusining ajratiladigan birikmalarini