Таълим вазирлиги самарқанд иқтисодиёт ва сервис институти

Ишбай ишловчилар учун – бажарилган ишларнинг ҳажмини 
тасдиқловчи ҳужжатлар ( нарядлар, маълумотномалар, ҳисоботлар, 
далолатномалар ва бошқалар), бир бирлик иш учун белгиланган иш ҳақи 
меъѐри, ишга чиқиш ҳисоби табели ( ишни коллектив тарзда 
бажарувчилар учун). 

Вақтбай ишловчилар учун – штат жадвали, ишга чиқиш ҳисоби 
табели 

Меҳнат таътилини ҳисоблаш учун – буйруқ, ходимнинг иш 
ҳақи бўйича бухгалтерияда юритилган шахсий счѐти варағи. 

Вақтинчалик 
меҳнат 
қобилиятини 
йўқотганликда
бериладиган нафақани ҳисоблаш учун – касаллик варақаси, касаба 
уюшма қўмитасининг қарори ва ходимнинг иш ҳақи бўйича 
бухгалтерияда юритилган шахсий счѐти варағи. 
Асосий иш ҳақини ҳисоблаш тартиби. Ишбай иш ҳақи шаклида 
ишловчи ходимга асосий иш ҳақи суммаси унинг ҳақиқатда бажарган 
иш ҳажмини бир бирлик иш учун белгиланган иш ҳақи меъѐрига 
кўпайтириш йўли билан топилади. Масалан, ишчи ой мабойнида 100 
дона маҳсулот ишлаб чиқарди. Бир бирлик маҳсулот учун иш ҳақи 
меъѐри –300 сўм. Ишчига ҳисобланадиган иш ҳақи суммаси бу ҳолда 
30000 сўмни ( 100х 300) ташкил этади. 
Вақтбай иш ҳақи шаклида ишловчи ходимга асосий иш ҳақи 
суммаси унинг ҳақиқатда ишлаган соатлари ѐки кунлари сонини бир 
соатлик ѐки бир кунлик ўртача иш ҳақига кўпайтириш йўли билан
топилади. Масалан, бухгалтернинг штат жадвали бўйича маоши –30000 
сўм. Январ ойида у 15 кун тўлиқ ишлади, қолган кунлар учун касаллик 
варақасини тақдим этди, унинг меҳнат стажи –4 йил, болаларининг сони 
–2 та. Январ ойидаги календар иш кунлари сони –25. Бухгалтерга асосий 

---

иш ҳақи ҳисоблаш учун бир кунлик ўртача иш ҳақи суммаси топилади. 
Бизнинг мисолимизда у 1200 сўм ( 30000 : 25 ). Бухгалтернинг ҳақиқатда 
ишлаган кунларига ҳисобланадиган иш ҳақи суммаси 18000 сўм ( 1200 х 
15).