Qadam yangi 2 кирилл indd

ИЖОБИЙ ФИКРЛАШ
Ён саҳифага диққат қилинг. Нима кўряпсиз?
Ёнингиздагилардан ҳам иложи бўлса, бу 
саҳифада нима кўришаётганини сўранг. Кўпчи-
ликнинг айтадиган гапи «қора нуқта» бўлиши 
табиий. Аслида эса катта оқ саҳифанинг ичида 
кичкинагина бир нуқта холос! Кўзимиз оқ қоғоз-
нинг мингдан бир қисмини эгаллаган фақат 
қора нуқтани кўрди. Ҳаётда ҳам доим шунақа-
миз, тўғрими? Аксаримизнинг бу ҳаётда қила-
диган иши, катта оқлик ичида кичкинагина қора 
нуқталарни кўриш. Энг қизиғи, чиройли давом 
этаётган турмушимизда рўй берган кичик кўн-
гилсизликни бутун ҳаётимиз устига қора булут 
қилиб, қоплаб оламиз.
Ота жажжи қизчаси билан ўйнар экан, ун-
дан сўрабди:
– Ойингнинг кўзларини ранги қанақа?
– Оқ-қора, – дебди қизалоқ.
– Қизим, кўз оқ-қора бўлмайди. Ёки қора, ёки 
кўк, ёки жигарранг бўлади.
Шунда қизча ошхонага бориб, онасини қўли-
дан етаклаб келиб, дебди:

---

78
С
Х
– Сиз катталар кўзлардаги бу оқни кўрмай-
сизларми? 
Ҳаёт ҳақидаги саволларга кўпинча тўғри жа-
вобларни болалар беришади. Ҳали ҳеч нарса 
кўрмаганидан эмас, уларнинг ҳаётга қарашлари 
беғубор, соф бўлганидан. Биз эса улғайганимиз 
сари ҳаётимизда асосан қора нуқталарни кўра-
миз. Ҳаёт сизнинг қарашларингиз ва фикрла-
рингизни турмушингизда акс эттиради. Ҳаётга 
ижобий қарасангиз, ҳаётингиз ҳам яхшиланаёт-
ганини кўрасиз.
Бир донишманд ёнида шогирди билан кўча-
да бирга кетишар эди.
– Ҳамма жойда жимжитлик, тинчликми? – 
деб сўрабди шогирд.
– Жимжитлик демагин, ҳеч нарсани эши-
толмаяпман дегин, – дебди донишманд.
Ҳаётга қандай қарашингизни шу саволлар 
орқали синаб кўринг. Гулларнинг тикани борми 
ёки тиканли новданинг гули борми?
Пиёланинг ярми бўшми ёки ярми тўла? Ярми 
тўла десангиз бу ҳам кам. Чунки ярми тўла пиё-
ла аслидан икки баравар каттадир! Фикрлашин-
гиз ҳаракатингизга, ҳаракатингиз эса ҳаётингиз-
га айланади. Ижобий томонлама фикрласангиз, 
ҳаётингиз ҳам яхшиланаверади.

---

79
Қ
Узоқ қишлоқда яшовчи болакай бобосининг 
ёнида ўтириб нарироқда талашаётган икки 
итни кузатарди. Итлардан бири оқ, бири қора 
эди. Бу баҳайбат икки ит бобосининг ёнидан 
асло узоқлашмасди. Қизиқувчан болакай бобо-
сидан сўради:
– Бобо, нега доим бу икки итни бирга боқа-
сиз? Нега бирини ранги қора, бириники оқ? 
Бобо кулиб, неварасининг бошини силаганча 
дебди:
– Улар мен учун иккита тимсол, ўғлим.
– Қандай тимсол? – қизиқибди болакай.
– Яхшилик ва ёмонликнинг тимсоли. Айнан 
ҳозир кўриб турганингдек ичимизда ҳамиша 
яхши ва ёмон фикрлар бир-бири билан кураш 
олиб боради. Уларни кузатар эканман, доим 
шу ҳақида ўйлайман. Шу сабабли доим уларни 
ёнимда олиб юраман, – дебди бобо.
Бола шунда, агар кураш бўлса, бири ғолиб 
бўлиши керак, деб ўйлабди ва болаларча савол 
берибди:
– Ундай бўлса бу курашда ким ғолиб бўлади?
Бобо маъноли табассум билан набирасига 
қараб:
– Қайси бирими, болажон? Мен қай бирини 
кўпроқ парвариш қилсам ўша ғалаба қозонади, 
– дебди.

---

80
С
Х
Сиз ижобий фикрларни парвариш қилинг. 
Шунда миянгизда ёмон тушунчаларга жой бўл-
майди. Салбий фикрлар мияда бор бўлса, яхши 
тушунчалар устидан ғолиб бўлади. Иккисининг 
орасида нозик чизиқ бор. Қайси бири ҳаётга 
қарашингизда кўпроқ жой эгалласа, иккинчиси 
учун кам жой қолади. Бағри кенглик оз бўлса, 
тоқатсизлик ошади, дўстлик кам бўлса, душман-
лик кўпаяди. Сиз ижобий бўлганларини кўпай-
тиришга ҳаракат қилинг.