Microsoft Word 05 Kishlok xujalik mahsulotlar sifati va marketingi

2-Mavzu: Sifat siyosati, sifatni boshqarish. 
Reja: 
1.  Qishloq xoʻjalik mahsulotlarini yetishtirishda sifat siyosati. 
2.  Agrar soxasida sifat siyosatini ahamiyati. 
3.  Sifat siyosatini maqsadi, prinsiplari. 

---

4.  Yuqori sifatli mahsulot yetishtirishda standartlarning roli. 
 
1. Sifatni boshqarish tizimlari haqida tushuncha. 
2. Sifat tizimining elementlari . 
3. Sifat tizimlarini sertifikatlashtirishdan oʻtkazish. 
 
1. Sifatni boshqarish tizimlari haqida tushuncha. 
 
Standartlashtirish,  metrologiya  va  sertifikatlashtirish  mahsulot  sifatini  taʻminlashning  asosiy 
yoʻnalishlaridan  hisoblanadi.  Metrologiya  mahsulotlar  sifatini  ilmiy  –  texnik  nazorat  qilishning  asosi 
hisoblanadi.  Qayerda  mahsulot  holati,  oʻlchamlari  zamonaviy  ishlash  va  oʻlchash  vositalari  orqali 
aniqlansa, oʻsha yerda yuqori sifatga erishish mumkin. 
Mahsulotni  sertifikatlashtirish  esa  ularni  standartlar  talablariga  javob  berishini  isbotlovchi  ish 
tartiblarini belgilaydi. Bu esa ishlab chiqarilayotgan mahsulot sifatini taʻminlash gorovi hisoblanadi. 
Mahsulot sifatiga qoʻyiladigan talablar ham standartlar va standartlashtirishning boshqa meʻyoriy 
hujjatlari orqali belgilanadi. Standartda fan, texnika va xalqaro tajribaning ilgʻor yutuqlari shakllanadi, chunki 
standartlarni tuzishda mahsulot sifatiga qoʻyiladigan ichki va tashqi bozor, inson hayoti, mol - mulki va atrof 
muhit uchun xavfsizlik talablari belgilanadi. Shuningdek milliy standart va texnik shartlarning xalqaro, 
mintaqaviy  va  MDH  davlatlararo  standartlari  bilan  uygʻunlashtirish  ham  sifatni  yaxshilash,  uni 
taʻminlash  va  boshqarishda  muhim  ahamiyat kasb etadi. Jumladan, mahsulot uchun moʻljallangan standart 
talablariga  qatʻiy  rioya  qilish  mahsulot  sifatini  talab  darajada  taʻminlashga  koʻplab  imkon  yaratib  beradi. 
Standartlar mahsulot sifatini taʻminlash uchun: birinchidan - mahsulot ishlab chiqarish boʻyicha koʻp marta 
takrorlanib  turiladigan  texnologik  jarayonlar  va  uning  sifatiga  qoʻyiladigan  talablarni  aks  ettirishi; 
ikkinchidan – eng yaxshi maqbul yechimga asos boʻlishi; uchinchidan –amalga kiritilgan standart maʻlum 
muddat davrida oʻzgarmaydigan hamda samarali boʻlishi va shunga oʻxshash xususiyatlarga ega boʻlishi 
shart.