Ma'ruza matni doc

Нерв системаси ва сезги органлари. Бош мия ниҳоят даражада яхши 
ривожланган. Кўпчилигида бош мия ярим шарлари, ўрта мия, оралиқ мия, мияча 
ва узунчоқ миялар иккиламчи мия пардаси – неопаллиум (кулранг модда) билан 
қопланган. Бош миянинг массаси орқа мияга нисбатан қушларда 1,5 маротаба 
(хўрозда) катта бўлса, сут эмизувчиларда 5-15 маротаба катта бўлади. 
Қушлардан фарқли ўлароқ, сут эмизувчиларда ҳидлов рецепторлари жуда 
яхши ривожланган. Эшитиш, кўриш рецепторлари ҳам жуда яхши тараққий 
этган. Сут эмизувчиларнинг ҳаракатлари мураккаблашганлиги сабабли мияча 
ҳам жуда яхши ривожланган. Унинг юзаси катталашган бўлиб, чувалчангсимон 
танадан ташкил топган. 
Умуртқалиларнинг бошқа синф вакилларига нисбатан олдинги мия ярим 
шарлари жуда катталашиб кетган ва қарийиб мияни қолган қисмларини қоплаб 
туради. Орқа мия ҳажми анча катта ва унинг фаолияти такомиллашган. 
Сезги органларидан ҳидлов органлари жуда мукаммал тараққий этган 
бўлиб, ҳайвонлар ҳаётида жуда муҳим рол уйнайди. Эшитиш органлари ҳам 
кучли тараққий этган.
Мускул системаси кучли ва мураккаб тараққий этган бўлиб, бирнеча юз 
ихтисослашган мускул бўлимларидан ташкил топган. Кўкрак ва қорин қисмлари 
бир-биридан диафрагма деб аталувчи мускулли тўсиқ билан ажратилган. 
Диафрагма нафас олишда муҳим рол ўйнайди. Сут эмизувчиларда 
шунингдек териости мускулатураси ҳам кучли ривожланган.
Овқат ҳазм қилиш системаси оғиз бўшлиғидан, томоқ, қизилўнгач, бир 
ёки кўп камерали ошқонзон, 12 бармоқли ичак, оч ичак (ингичка ичак), йўғон 
ичак, тўғри ичак ва анал тешигидан (айрим тубан вакилларидан ташқари) ва 
ҳазм жараёнида иштирок этувчи сўлак, ошқозон ости, ичак безлари ва ўт ишлб 
чиқарувчи жигардан ташкил топган. Оғиз бўшлиғида махсус альвеолаларда 
жойлашган 
дифференциялашган 
(махсус 
вазифаларни 
бажаришга 
мослашган) тишлар ва луқмани ютиш учун зарур бўлган тил жойлашган. 
Тишлар дентиндан, цемент ва эмалдан таркиб топган. Айрим вакилларида 
(ехидналар, чумолихўрлар, айрим китсимонларда) тишлар бўлмайди. Ичакда 
кўричак ва унинг чувалчангсимон ўсимтаси мавжуд.