Xorazm ma’mun akademiyasi axborotnomasi – /2019 Ўзбекистон республикаси фанлар

ФОЙДАЛАНИЛГАН АДАБИЁТЛАР РЎЙХАТИ: 
1. Duncan-Johnes, Catherine. “Playing Fields or Killing Fields: Shakespeare’s Poems and Sonnets”. London, 
1997. 
2. Callaghan, Dympna, Shakespeare’s Sonnets. Oxford, UK: Blacwell, 2007. 
 
ЎУК: 82.035 
ТАРЖИМАДА БАДИИЙ ТАСВИР ВОСИТАЛАРИНИ ҚАЙТА ЯРАТИШ МУАММОСИ 
Б.Х. Маткаримова, ўқитувчи, Фарғона политехника институти, Фарғона
 
Аннотация. Ушбу мақолада бадиий тасвир воситаларини таржима қилишда юзага келиши 
мумкин бўлган баьзи муаммолар хақида фикр юритилади. 
Калит сўзлар: бадиий тасвир, метафора, истиора, образ 
Аннотация. В этой статье обсуждаются некоторые проблемы, которые могут возникнуть 
при переводе инструментов художественного изображения. 
Ключевые слова: художественный образ, метафора, сравнение, образ 
Abstract. This article discusses some issues that may arise in the translation of artistic image tools. 
Key words: artistic image, metaphor, comparison, personage 
 

---

XORAZM MA’MUN AKADEMIYASI AXBOROTNOMASI – MAXSUS SON_____
 
109
Бадиий адабиётда метафора очиқ ва ёпиқ шаклда бўлади. Очиқ метафорада истиорага олинган 
сўзгина иштирок этади ва унинг маъносини яхлит ҳолда тушуниш имконияти мавжуд. Ёпиқ 
метафорада эса истиорага олинган сўз ҳам, ўхшатилаётган нарса ҳам иштирок этади. Адабиётшунос 
олим Д.Қуронов метафорани лексик ва матн ичидаги метафораларга бўлади ҳамда биринчисининг 
мазмуни бир сўз доирасида англашилиши мумкин бўлса, иккинчисининг маъноси бошқа сўзлар билан 
алоқада ойдинлашишини таъкидлайди [1]. Бу айни очиқ ва ёпиқ метафоралардир.
Таржимоннинг аслият моҳиятини нечоғлик тўғри ва тўла тушуниши унинг сўз бойлиги 
кўламини тўғри белгилашига, пухта ва аслиятга энг яқин таржима асарини яратишига асос бўлади. 
“Муаллифнинг индивидуал услубини ва унинг асардаги миллий ўзига хос хусусиятларини сақлаб 
қолишдек муҳим вазифани ҳал қилиш йўлидаги қийинчиликлар маълум даражада лексика ва 
фразеологияни таржима қилиш масалалари билан боғлиқ” [2]. Бошқа бир тилдаги метафораларни она 
тилида қайта яратиш, бизнинг мисолимизда эса “Қутадғу билиг” тўртликларидаги метафораларни 
бошқа (рус ва инглиз) тилларига таржима қилиш шунчаки иш бўлмай, балки таржимондан чуқур 
билим, диққат-эътибор, шунингдек, туркий халқлар маданияти, уларнинг яшаш ва тафаккур тарзи, 
миллий қадриятлари, ўзига хос миллий-маънавий анъаналари ҳақидаги маълумотларга эга бўлишни 
ҳам талаб қилади. 
Асарнинг “Беглар қандай (бўлиши) кераклигини айтади” бобида Ўгдулмиш йўлбошчи (бег) 
сифатларини таърифлар экан, жумладан, ушбу тўртликни келтиради:
Кур арслан болу бэрсә ытқа башы, 
Бу ыт барча арслан болур өз туши. 
Қалы болса арсланқа ыт башчысы,
Бу арслан болур барча ыт сақышы.