M. F. Ziyayeva, O. Z. Rizayeva

Uremik koma
 
 
O‘tkir buyrak yetishmovchiligi (O‘BY)- o‘tkir rivojlanuvchi 
sindrom  bo‘lib,  buyrakning  gomeostazni  ta’minlash  funksiya-
sining  buzilishi  bilan  xarakterlanadi,  suv-tuz  balansining  va 
kislota-ishqor holatining buzilishi, azotemiya kuchayib uremiya 
rivojlanishi,  barcha  sistemalar  va  funksiyalarning  patologik 
zararlanishi bilan namoyon bo‘ladi.
 

---

 
275 
Klinikasi  bosqichma  bosqich  kechadi,  dastlabki  bosqich 
odatda  3  soatdan  3  kungacha,  oligoanurik  bosqich-bir  necha 
kundan  3  haftagacha,  poliurik  bosqich-  1-6  hafta  va  undan 
ko‘p, tuzalish bosqichi 2 yilgacha davom etadi.
 
Diurezning  kamayishi,  oliguriya,  anuriya,  bosh  og‘rishi, 
qo‘zgalish, qusish, eshitish va ko‘rishning pasayishi, mushaklar 
titrashi  tonus  va  pay  reflekslarining  oshishi  bilan,  aritmiya, 
holsizlik, karaxtlik, yurakdagi o‘zgarishlar, keyinchalik koma va 
talvasalar bilan namoyon bo‘ladi.
 
Shoshilinch yordam:
 
1. Darhol gemodializ yoki reanimatsiya bo‘limiga yotqizish.
 
2. Vena o‘zaniga tushish.
 
3. Tahlilni to‘g‘ri olish.
 
4. Shifokor ko‘rsatmalarini to‘g‘ri bajarish.
 
5.  Yuqori  nafas  yo‘llari  o‘tkazuvchanligini  ta’minlash, 
oksigenoterapiya.
 
Hamshiralik  parvarishi:  bemor  va  uning  oilasi  bilan  tibbiy-
profilaktik  ishlar  olib  borish,  bola  uchun  yetarlicha  qulay 
sharoit yaratish.