K I m y o ki my oga oi d atama lar etimilo gi ya si

Absorbsiya va adsorbsiya 
Deyarli bir xil yangraydigan va eshitiladigan ushbu ikki termin mutlaqo boshqa-boshqa 
ma’nolarga  ega.  Absorbsiya  bu  –  lotincha  absortio  so‘zidan  olingan  bo‘lib,  asl  ma’nosi 
«yutilish»  degan  so‘zga  to‘g‘ri  keladi.  Ushbu  termin  ilm-fanda  gazlarning  suyuqlikka 
(absorbentga) yutilishi va eritma hosil qilishi tushuniladi. Yoki, gaz yoki suyuqlikning butun 
hajmiga  ko‘ra  qattiq  absorbentga  yutilishi,  singib  ketishi  nazarda  tutiladi.  Adsorbsiya  esa 
odatda  qattiq  jism  bo‘ladigan  adsorbentning  yuzasi  tomonidan,  suyuq  yoki  gaz  holatdagi 
moddani  yutib  olinishi  jarayoniga  aytiladi.  Ushbu  terminlar  lotinchada  «yutmoq», 
«singdirmoq»  ma’nolarini  beruvchi  «sorbere»  fe’liga  «ad-»  va  «ab-»  old  qo‘shimchalarini 
qo‘shish orqali yasalgan. Lotin tili qoidalariga ko‘ra, «ad-» old qo‘shimchasi o‘zbek tilidagi «-
ga»  qo‘shimchasi  singari  ma’no  yasaydi;  «ab-»  old  qo‘shimchasi  esa,  «-dan»  qo‘shimchasi 
bilan ma’nodoshdir.   
Additivlik 
Kimyoda  additiv  xossalar  degan  tushuncha  bilan,  obyektning  alohida-alohida  holda 
olingan fizik xossalarning umumiy yig‘indisi, obyektning umumiy yaxlit holdagi xossalariga 
teng bo‘ladigan vaziyat nazarda tutiladi. Masalan, jismlarning massasi additiv bo‘ladi. Ushbu 
terminni  ilm-fanga  XIX-asr  oxirida  nemis  kimyogari  Vilgelm  Osvald  tomonidan  kiritilgan. 
Uning ma’nosi lotincha «additio» ya’ni, «qo‘shish», «yig‘indi» so‘zlaridan olingan.  
Addukt 
«Addukt» lotinchada «tortib olingan», «keltirilgan» ma’nolarini beradi. Adduktlar deb, 
masalan, benzolning yod bilan (C
6
H
6
I
2
) singari molekulyar komplekslarni, yoki, 8Kr.46H
2
O 
singari  molekulyar  birikmalarni,  shuningdek,  dien  sintezi  jarayonidagi  deinning  dienofilga 
birikishi mahsulotlarini, xususan, disiklopentadien singarilarni aytiladi.   
Adgeziya 
Lotinchada  «adhaseio»  so‘zi  «tortmoq»,  «ulamoq»  ma’nolarini  anglatadi.  Ilmiy 
jihatdan  esa  bu  termin,  qattiq  moddalarni  bir-biriga  tekkizilganda  o‘zaro  yopishib  qolishi 
hodisasini ifodalaydi. Odatda adgeziyani adgezivlar – kley vazifasini bajaruvchi suyuqlik yoki, 
eritma ko‘rinishidagi yopishqoq moddalar ta’minlaydi.