Техник конструкциялаш ва моделлаш

O‘yuvchi  dastgoh.  Yog‘och  materialni  o‘yish-teshish  ishlari  iskanalar  bilan  bir  qatorda 
dastgohlar  yordamida  ham  bajariladi.  Bu  ishlarda  o‘yuvchi  dastgohlardan  foydalaniladi.  O‘yuvchi 
dastgoh  yordamida  yog‘och  materiallarni  har  xil  burchak  ostida  o‘yish,  teshish,  quloq  ochish  kabi 
ishlarni bajariladi. 
 
 
 
Frezalar: 
a-freza kallagi; b-chorabzal freza; v, g-zakrov ochuvchi ilgak va disk; d-disksimon freza; e-
disksimon freza qurilmasi; j, z-kombinatsiyalangan freza kallaklari.
 
 
 
 
 
I-1 markali o‘yuvchi qo‘l stanogi: 
1-tayanch rama; 2-kolonka; 3-elektrik dvigatel korpusi; 4-etakchi yulduzcha; 5-o‘yuvchi zanjir; 
6-zanjirli taranglab tortuvchi bolt; 7-yo‘naltiruvchi planka; 8-cheklagich halqa.
 

---

45 
 
 
Rasmda  I-1  o‘yuvchi  dastgoh  ko‘rsatilgan.  Uning  asosiy  qismlari  tayanch  rama  1  va  unga 
o‘rnatilgan  ikkita  vertikal  kolonka  2,  kolonkalar  bo‘ylab  suriluvchi  elektrik  dvigatel  3dan  iborat. 
Elektrik dvigatelning valiga o‘rnatilgan etakchi yulduzcha 4 ga kesuvchi zanjir 5 kiydiriladi. Kesuvchi 
zanjir elektr dvigatelning korpusiga o‘rnatilgan yo‘naltiruvchi planka 7 yordamida taranglanadi, bolt 6 
bilan qaytariladi. Yo‘naltiruvchi plankani vertikal yo‘nalishda siljitish mumkin. 
Ish vaqtida kesuvchi zanjir elektrodvigatel bilan birgalikda pastga tushiriladi. Buning natijasida 
o‘yish,  teshish  ishlari  bajariladi.  Ma’lum  chuqurlikdagi  uya  o‘yish  uchun  kolonkalardan  biriga 
o‘rnatilgan cheklagich halqa 8 dan foydalaniladi.  
Kesuvchi  zanjir  o‘zaro  sharnirlar  yordamida  biriktirilgan  bir  necha  ayrim  zanjir  qismlaridan 
iborat.  O‘yuvchi  dastgoh  komplektida  eni  har  xil  bo‘lgan  to‘rtta  kesuvchi  zanjir  bo‘ladi.  Ular 
yordamida chuqurligi 150 mm gacha bo‘lgan 8X40, 12X40, 16X40, 20X55 mm kenglikdagi teshiklar 
ochish va uyalar o‘yish mumkin. 
O‘lchamlari  bundan  katta  bo‘lgan  uya  va  teshiklar  ochishda  Yog‘och  kesuvchi  zanjirga 
nisbatan bo‘ylamasiga yoki ko‘ndalangiga suriladi.