Кўчмас мулк ва мулк ҳУҚУҚи амалий қўлланма

Мулк ҳуқуқи объектлари

---

27
Ўзбекистон Республикаси Фуқаролик кодексининг 209-моддасига кўра 
қонун билан ман этилган айрим ашёлардан ташқари ҳар қандай мол-мулк 
хусусий мулк бўлиши мумкин.
Хусусий мулк ҳуқуқининг энг кенг тарқалган объектлари сифатида 
қуйидагиларни эътироф этиш мумкин:
●
уй-жойлар, хонадонлар, дала ҳовлилар, экинлар, ҳайвон ва 
паррандалар, уй-рўзғор буюмлари;
●
акциялар, облигациялар ва бошқа қимматбаҳо қоғозлар;
●
ишлаб чиқариш, хизмат кўрсатиш, савдо ва бошқа хўжалик фаолияти 
соҳасидаги корхоналар, мулкий комплекслар, бинолар, иншоотлар, ускуна, 
транспорт ва бошқа ишлаб чиқариш воситалари;
●
ихтиролар, селекция ютуқлари, саноат намуналари ва интеллектуал 
фаолиятнинг (мулкнинг) бошқа натижалари;
●
истеъмол қилишга ва ишлаб чиқаришга мўлжалланган ҳар қандай 
бош қа мол-мулк.
Юқоридаги объектлар хусусий мулк ҳуқуқи асосида фуқароларга ҳам, 
юридик шахсларга ҳам тегишли бўлиши мумкин.
Мен отамдан мерос қилиб олган уй-жойда яшайман. Уй-жойнинг ер 
майдони 0.08 гани ташкил этади. Уй-жойдаги қурилмалар билан бирга, 
ушбу 0.8 га ер майдонига нисбатан ҳам эгалик ҳуқуқи белгиланган, бу 
ҳақида кадастр ҳужжатларида қайд этилган.
Ҳозирда юзага келган эҳтиёж туфайли мен ер майдонининг бўш 
бўлган 0.04 гасини сотмоқчиман.
Ушбу ер майдони бўйича маълумотнома олиш учун кадастрга 
мурожаат қилганимда, мен ер майдонини сота олмаслигимни маълум 
қилишди. Бу тўғрими? Ахир ер майдонига нисбатан эгалик ҳуқуқи 
белгиланган-ку.
Савол
Ер майдонини сота олмайсиз. 
Ер давлат мулки — умуммиллий бойлик бўлиб, давлат томонидан 
муҳофаза этилади ҳамда олди-сотди қилинмайди, айирбошланмайди, 
ҳадя этилмайди, гаровга қўйилмайди. 
Қонунда фуқароларнинг якка тартибда уй-жой қуриш учун мерос
қилиб қолдириладиган умрбод эгалик қилиш ҳуқуқи эътироф этилади.
Сизга отангиздан қолган ер майдонига нисбатан эгалик ҳуқуқи унда 
жойлашган уй-жой билан биргаликда белгиланган. 
Шу сабабли Сиз ер майдонини унда жойлашган қурилмалардан алоҳида 
тарзда мулк сифатида сотишга ҳақли эмассиз.