Ўзбекистон республикаси олий ва ўрта махсус таълим вазирлиги самарқанд давлат чет тиллар институти

- 
натижаларнинг олислиги; 
Тарбия вазифалари 
1.Ўз ватанини фуқаросини тарбиялаш. Тарбиянинг бу вазифаларни амалга ошириш 
қуйидагиларни тақазо этади; 
Миллий ватанпарварлик, ўз ватанига, тарихига, маданиятига ифтихор туйғуси; 
Миллатлараро маданий муносабатлар, сиёсий маданият.
2.Шахснинг маънавиятини шакллантириш. Маънавият кишининг ички дунёси бўлиб, 
унинг жамият ва табиатдаги «Мен»и, образи, тақдири ва ролини ифода этади. Маънавият 
даражаси бу, маълум маънода, инсонийлик мезонидир. Маънавиятни шакллантириш бу 
унинг шахсий ҳаракатлари, интилишлари, рефлексияси билан кишининг ички дунёсини 
вужудга келтиришдир. 
3.Меҳнаткаш иноннинг иқтисодий тафаккурини тарбиялаш меҳнатга, касбга ҳурмат 
ва ижтимоий-психологик жиҳатдан ёшларда мустақиллик, ижод, ишчанлик, фаоллик, юқори 
касбий тайёргарлик сифатларини кучайтириш зарур. 
4.Руҳий - жисмоний соғломликни тарбиялаш. Бу ахлоқий – ҳаётий мувозанат ва 
психологик қулайлик ҳолатини ушлаб туриш ҳамда жисмоний ривожланиш меъёридан 
узоқлашиб кетишга йўл қўймаслик кўникмаларини шакллантиришдир. 
5.Кишининг табиат билан муносабатини уйғунлаштириш. 

---

119 
Экологик фожиа муаммоси давримизнинг энг долзарб муаммоларидан биридир. 
Кишининг табиат билан муносабатини уйғунлаштириш конкрет худудий ўзига хосликни 
ҳисобга олган ҳолда ўлкашунослик ва табиатшунослик бўйича амалий фаолиятни 
кучайтириш ва кенгайтиришни талаб этади. 
Бу эса, ўз навбатида, тарбияланувчиларга нафақат экологик хавфсизлик қоидаларин 
англаб етиш балки, табиатни қўриқлаш ишида шахсан қатнашиш зарурлигига ишонч ҳосил 
қилиш имконини ҳам беради. 
6. Шахсда индувидуаллик ва жамоавийликни тарбиялаш. 
Собиқ Иттифоқ даврида педагогика шахсни жамоада ва жамоа орқали тарбиялашга 
йўналтирилган эди. Ҳозирги пайтда айрим педагогик доираларда индивидуал тарбия ҳаддан 
ташқари мақталмоқда. Аслида индивидуал ва жамоавий тарбия бир-бирига зид эмас. 
Индивидуаллик табиат туҳфаси бўлиб, уни ривожлантириш зарур. Модомики, инсон 
жамиятда яшар экан, у жамиятдаги ахлоқ ва ҳуқуқ мезонларини, ижтимоий фикрларни 
ҳурмат қилиши лозим. Меҳнатнинг аксарият кўринишлари учун жамоа ҳаракати зарур 
бўлади. Шу туфайли жамоавийлик руҳида тарбиялаш долзарб масала бўлиб ҳисобланади. 
Айни чоғда индивидуал тарбия ниҳоятда муҳимдир, чунки бунга дастлаб етарлича эътибор 
берилмаган эди, ҳозир эса буни замонавий ижтимоий-иқтисодий ўзгаришлар талаб этмоқда.