Fanning o’quv dasturi Oliy va o’rta maxsus, kasb-hunar ta`limi o’quv-uslubiy birlashmalari

     Suyak  ko‘migi  va  periferik  qondagi  limfotsitlarni  sitoximiyaviy  tekshirishda  glikogen 
miqdorining ko‘pligi aniqlanadi ( ko‘pincha granulalar ko‘rinishida). 
      Limfa tugunlar punksiyasi. SLLni boshqa kasalliklardan qiyosiy tashhis qilishda qo‘llaniladi. 
SLL  uchun  limfotsitlar  proliferatsiyasi  xarakterli.  Punktat  yetilgan  kichik  limfotsitlardan  iborat 
bo‘ladi. Kasallik og‘ir kechishida va asoratlar berganda prolimfotsitlar va limfoblastlar aniqlanadi.  
      Taloq  punksiyasi.  Bu  usul  SLL  kasalligida  kam  hollarda  qo‘llaniladi  (limfa  tugunlari 
kattalashmasdan  kechadigan  va  aniq  morfologik  belgilari  bo‘lmagan    aleykemik  limfoleykozda). 
Kasallikda  taloq  kattalashadi  va    taloq  sitogrammasida  limfotsitlar  va  prolimfotsitlar  miqdori 
oshishi  kuzatiladi.  Punktatda  limfotsitlar  miqdori  90-98%  tashkil  qiladi.  Aynan  mana  shu  farq 
qiluvchi belgi “leykemik limfoleykoz” tashhisini qo‘yishga yordam beradi.