Низомий номидаги тошкент давлат педагогика

 
Мақсад: 
• болаларга 3 тагача бўлган буюмларни бўйига, энига кўра солиштириш ва 
тартиблаштиришни ўргатиш.
Кутилаётган натижалар: 
• болаларда узун-қисқа ва ингичка-йўғон ҳақида тасаввурлар ҳосил қилинади, 
йўғондан-ингичкагача, ингичкадан-йўғонгача тартиблай олиш кўникмаси 
шаклланади. 
Керакли жиҳозлар: 
• қўғирчоқ, 3 та узун-калта, йўғон-ингичка ленталар; 
• рангли қоғоз қирқимлари (лентасимон) 3 та-дан йўғондан-ингичкагача, узун-
калта. 
МАШҒУЛОТНИНГ БОРИШИ: 
ТАРБИЯЧИ: - Болажонлар, мен қўғирчоққа кўйлак тикмоқчи эдим. Ҳисоблаб 
кўрсам, қўғирчоқнинг кўйлаги учун 3 та узун-калта лента ва яна 3 та йўғон-
ингичка лента керак экан. Бозорга бориб, уларни сотиб олдим. Ленталарни 
сизларга кўрсатаман. 
Тарбиячи аввал 3 та узун-калта ленталарни тартиб билан қўйиб кўрсатиб 
тушунтиради.

---

170 
Тарбиячи уларни, аввало устма-уст қўйиб кўрсатади. Кейин эса узундан-
ингичкага томон тартиб билан қўйиб чиқади. Сўнгра 3 та йўғон-ингичка 
ленталарни тартиб билан қўйиб кўрсатади.
Бунда ҳам уларни йўғондан-ингичкага қараб ёнма-ён қўйиб кўрсатади. 
Тарбиячи болаларга столларида турган қутичадан айтилган нарсаларни
олиб амалий иш бажаришини айтади. 
Болалар учун амалий иш. 
1-топшириқ: Болаларга қутичалардаги қизил рангли қоғоз қийқимларидан 
(худди ленталарни энг узунидан энг калтасигача терилганидек қилиб) 
узунлигини солиштириб, қиёслаб тартиб билан териб чиқишларини 
тушунтиради. Тарбиячи болаларга бир-бирларининг бажарган ишларини кўриб 
баҳолашларини айтади. Болалар бир-бирларининг ишларини баҳолаб чиқадилар. 
2-топшириқ: Тарбиячи яна қутидаги кўк рангли қоғоз қирқимларини 
олиб, йўғондан ингичкага қараб тартиб билан териб чиқишларини таклиф этади. 
Болалар яна бир-бирларининг бажарган ишларини таҳлил қилиб баҳолаб 
чиқадилар.