O`zbekiston respublikasi oliy va o`rta maxsus ta`lim vazirligi muqimiy nomidagi qo‟qo‟n davlat pedagogika instituti “Boshlang`ich ta`lim metodikasi” kafedrasi

3-§. Қўшма гапларнинг услубий хусусиятлари 
 
1) боғланган қўшма гаплар таркибида бириктирув ва зидлов боғловчилари ўрнида –у, -ю, -да
юкламалари синоним ҳолатда қўлланиши мумкин: Ҳаво булутлашди ва ѐмғир ѐға бошлади. 
Ҳаво булутлашди-ю, ѐмғир ѐға бошлади.
2) эга, кесим, тўлдирувчи, аниқловчи эргаш гапли қўшма гаплар содда гапларга синоним 
бўлади: Шуниси аниқки, биз бугун йўлга чиқа олмаймиз - Бизнинг бугун йўлга чиқа 
олмаслигимиз аниқ.
3) сабаб, мақсад, ўхшатиш эргаш гапларнинг кесимлари сифатдош, ҳаракат номи, от билан 
ифодаланса, содда гапларга синоним бўлади: Тоғ этаги жуда гўзал эди, гўѐ чиройли гилам 
тўшалгандай – Чиройли гилам тўшалгандай тоғ этаги жуда гўзал эди.
4) пайт, сабаб, шарт, тўсиқсиз, натижа, равиш эргаш гапларни ўз доирасида синонимлари 
билан алмаштириш мумкин:
У келса (келган пайтда, келар экан), ҳамма кетиб бўлибди. 
5) боғловчисиз қўшма гаплар боғланган ва эргашган қўшма гапларга синоним бўлади: Қор ѐғди 
– дон ѐғди (Қор ѐғса, дон ѐғади. Қор ѐғди-ю, дон ѐғди). 
 
4-§. Кўчирма ва ўзлаштирма гапларнинг услубий хусусиятлари
 
Бировларнинг ҳеч ўзгаришсиз берилган гапи (кўчирма гап) ўзгаларнинг мазмуни сақланиб, 
шакли ўзгартирилган ҳолда берилган гапи (ўзга гап) билан синонимик ҳолатда бўлади: 

---

Ўқитувчимиз деди: ―Топшириқларни ўз вақтида бажаринг‖ – Ўқитувчимиз топшириқларни 
ўз вақтида бажариш лозимлиги ҳақида гапирди. 
Кўчирма гап ўзлаштирма гапга айлантирилганда қуйидаги ўзгаришлар юз беради:
1. Кўчирма гап бирикмали тўлдирувчига айланади: ―Ҳамма йиғилди‖, - деди навбатчи.
Навбатчи ҳамманинг йиғилганини айтди. 
2. Кўчирма гап таркибидаги ундалма воситали тўлдирувчига айланади: ―Расулбек, биз билан 
юринг‖, - деб таклиф қилди дўсти. Расулбекка дўсти ўзлари билан юришни таклиф қилди. 
3. Кўчирма гап таркибида кириш сўз вазифасида келган ундовлар, тақлид сўзлар туширилади: 
―Вой, қўрқиб кетяпман‖, - деди хотини. Хотини қўрқиб кетаѐтганини айтди.