O`zbekiston respublikasi oliy va o`rta maxsus ta`lim vazirligi muqimiy nomidagi qo‟qo‟n davlat pedagogika instituti “Boshlang`ich ta`lim metodikasi” kafedrasi

 
1. Шахсда мослиги 
 
Эга ва кесим бир-бири билан шахсда ҳамма вақт мос бўлади: Биз мактаб жамоат 
ишларида фаол қатнашамиз. 
Д и қ қ а т ! Нутқда "Ҳайрон бўласан киши" тарзидаги гаплар қўлланади. Бу гапда эга ва 
кесим шахсда мослашмаган: эга (киши) 3 -шахсда, кесим эса 2-шахсдадир. 
 
2. Сонда мослиги 
 
I. Феъл-кесим I ва II шахсда эга билан ҳамма вақт сонда мос бўлади. Биз  ѐрдам бердик. 
II. Кесим III шахсда эга билан ҳамма вақт сонда мослашавермайди: 
1. Кимсани билдирган III шахсдаги эга билан феъл-кесим сонда мос бўлади: Деҳқонлар 
ишни бошлаб юбордилар. 
2. Кўпликдаги кимсани эмас, нарса-буюмни билдирса, феъл-кесим, одатда, эга билан сонда 
мослашмай, бирликда ишлатилади: Китоблар олинди. 
3. От-кесим кўпликдаги эга билан кўпинча мослашмайди: Уйда акам, опам ва синглим
бор эди. 

---

4. Гапда эганинг аниқловчиси миқдор сон билан ифодаланса, кесим ва эга бирлик шаклида 
бўлади: Учта қиз  келди. 
6-§. Эга билан кесим орасида тиренинг ишлатилиши 
I. Қуйидаги ҳолатларда эга билан кесим орасига тире қўйилади:
1. Гапнинг кесими бош келишикдаги от билан ифодаланиб, боғлама ѐки кесимлик
қўшимчаси бўлмаса, эгадан кейин тире қўйилади: Тошкент – гўзал шаҳар. 
2. Гапнинг эгаси ѐки кесими ѐхуд уларнинг ҳар иккаласи ҳаракат номи билан
ифодаланса ва боғлама бўлмаса, эгадан сўнг тире қўйилади: Кулиш – умрни узайтириш 
воситаси. 
3. Гапнинг эгаси ѐки кесими бирикмалар билан ифодаланиб, тенглик, ўхшатиш, каби
маъноларни билдирса ва боғлама бўлмаса, эгадан кейин тире қўйилади: Яхши қиз – ѐқадаги 
қундуз. 
4. Эга ѐки кесим кўрсатиш олмоши ѐхуд миқдор сон билан ифодаланиб, алоҳида ажратиб 
кўрсатилса, боғлама ѐки кесимлик қўшимчаси бўлмаса, эгадан кейин тире қўйилади: Ана шу – 
менинг уйим. Уч карра уч – тўққиз.
5. Эга билан кесим бу, у, мана бу сўзлари билан ажратилган ҳолатларда тире шу сўзлардан 
олдин қўйилади: Истиқлол – бу ўзбек халқининг азалий орзуси.
II. Қуйидаги ҳолатларда эга билан кесим орасига тире қўйилмайди:
1. Эга кишилик олмоши билан ифодаланган бўлса, боғлама бўлмаса ҳам, тире қўйилмайди:
У тажрибали иқтисодчи. 
2. Кесим келишик қўшимчасини олган бўлса: Бутун умидимиз сендан.
3. Эга билан кесим ўртасида ҳам ѐрдамчи сўзи бўлса: Мен ҳам кичик пахтакор. 
4. Кесим сифат, сон (миқдор сондан ташқари), равиш билан ифодаланса: Шаҳримиз гўзал. 
Китоблар сони бешта. Менинг орзуларим кўп.
Д и қ қ а т ! Баъзан таъкидлаш маъносини кучайтириш учун кесимлик қўшимчаси бўлишига 
қарамай, эгадан кейин тире қўйилиши мумкин: Адабиѐт – ҳаѐтнинг инъикосидир.