O‘zbekiston tarixini davrlashtirish masalasi. Formatsion yondashuv, mintaqalarning

129-savol: Toshkent shahrining “Islom madaniyati poytaxti” deb e’lon qilinishi va uning ahamiyati. 
(Diniy qadriyatlar, uyg'onish, I. Karimov) 
ТОШКЕНТ – ИСЛОМ МАДАНИЯТИ ПОЙТАХТИ» – мамлакатимизда ислом маданияти ҳамда 
маънавий қадриятларни тиклаш ва сақлаб қолиш бўйича амалга оширилаётган эзгу ишларнинг 
халқаро кўламдаги эътирофларидан бири. 2007 йил январда Ислом конференцияси ташкилоти 
таркибидаги муассасалардан бири – Таълим, фан ва маданият масалалари бўйича халқаро ислом 
ташкилоти (ISESCO) Тошкентни ислом маданиятининг пойтахти, деб эълон қилди. Тошкент билан 
бир қаторда Фес (Марокаш), Триполи (Ливия), Дакар (Сенегал) шаҳарлари ҳам «Ислом 
маданиятининг пойтахти», деб эълон қилинди. Президент Ислом Каримов бу эътирофни «ўзбек 
халқининг ислом маданияти ривожига қўшган беқиёс ҳиссасига берилган муносиб баҳо», деб 
таърифлади. 
Шу муносабат билан шаҳарда бунёдкорлик ишлари янада авж олдирилди. Жумладан, қисқа 
муддатларда Ҳазрати Имом мажмуаси тубдан қайта таъмирланди, янги минора, масжид, 
хиёбонлар бунёд этилиб, унда кўплаб шаҳарликлар ўз беминнат меҳнатлари билан ҳисса 
қўшдилар. Кўкалдош мадрасаси (16-аср), Шайх Зайниддинбобо (13–19-асрлар), Зангиота (14–20-
аср), Хўжа Аламбардор (19-аср), Шайх Хованди Тоҳур (15-аср), Юнусхон (15-аср) мақбаралари, 
Абулқосим мадрасаси (19-аср) ва бошқалар таъмирланди. 2007 йил 14–15 августда Тошкент, 
Самарқанд шаҳарларида «Ўзбекистонннинг ислом цивилизацияси ривожига қўшган ҳиссаси» 
мавзуида халқаро илмий-амалий конференцияси ўтказилди.«Тошкент» энциклопедияси. 2009 йил