Muqaddima

O’PKADA GAZLAR ALMASHINUVI 
 
     Nafasga  olinadigan  atmosfera  havosi  alveolalarga  bosim  gradiyenti  bo‘yicha  burun 
bo‘shlig‘i,  halqum,  kekirdak,  bronxlar,  bronnxiolalar  orqali  konveksiya  yo`li  bbilan 
harakat  qiladi.  Odam  o‘pkasida  bronxlar  kekirdakdan  alveolalarga  yetguncha  23  marta 
bo`linadi. Natijada ular  ko‘ndalang kesimining  yuzasi 4500  marta ko‘payadi. Havoning 
bronxlarda  harakat  qilish  tezligi  shunga  yarasha  juda  sekinlashadi.  Bronxlarning  oxiri 
bo`lmish  bronxial    yo`llarda  havoning  konveksiya  tufayli  harakat  qilish  tezligi    juda 
sekinlashadi. Ana shu bronxial   yo`llarda  havoning konveksiya tufayli harakat qilishga 
gazlarning diffuziyali harakati qo‘shiladi: kislorod aalveolalar tomon, karbonat angidrid 
esa alveolalardan tashqariga diffuziyalanib harakat qiladi. 
     Ochiq  joydagi  atmosfera  havosining  gazlar  tarkibi  quyidagicha:  kislorod  –  20,94%, 
karbonat angidrid – 0,03% va azot – 79,03%. Nafasdan chiqqan havoda 16,3% kislorod, 
4,%  karbonat  angidrid  va  79,7%  azot  bo`ladi.  Nafasdan  chiqqan  havo  tarkibi  ancha 
o‘zgaruvchan bo`lib, organizm faolligining ortishi unda kislorod miqdori kamayishiga va 
karbonat  angidrid  miqdori  ko‘payishiga  olib  keladi.  Alveolyar  ventilyatsiya  alveolyar 
havoning gaz tarkibi barqarorligini saqlashga qaratilgan. Alveolyar havo o‘ziga xos ichki 
atmosfera vazifasini bajaradi. Uning tarkibida 14,4% kislorod, 5,6% karbonat angidrid va 
80% azot bor. 
     Nafasdan  chiqqan  havo  alveolyar  havodan  kislorod  ko‘pligi  va  karbonat  angidrid 
kamligi bilan farq qiladi. Buning sababi sguki, nafasdan chiqqan havo alveolyar havo va 
zararli  bo‘shliqdagi  havoning  aralashmasi.  Karbonat  angidridga  boy,  kislorodning 
anchagina  qismini  yo‘qotgan  alveolyar  havo  gaz  tarkibi  atmosfera  havosidan  farq 
qilmaydigan zararli bo‘shliq havosi bilan aralashib, nafasdan chiqqan havoni hosil qiladi.