Boshlang’ich sinflar uchun matematikadan kompyuterli ijodiy topshiriqlar tizimini yaratish

4.  Topshiriqlarning  bir-biriga  bog’liqligi  tamoyili.  Bu  tamoyil, 

mutaxassislarning  yozishicha,  metodik  hodisalarning  informatik  xususiyati  bilan 

aloqador.  Masalan,  1-sinf  o’quvchilari  uchun  «Oralatib  sanash»  mavzusida 

tuzilgan topshiriqlarni tahlil qilib ko’raylik. 

1-topshiriq: 1, 2, 3, 4, 5, 6, 7, 8, 9, 10 sonlar qatoridan oldin ikkitadan, keyin 

uchtadan ortib boruvchi sonlar qatorini ajratib yozing. 

2-topshiriq:  10,  9,  8,  7,  6,  5,  4,  3,  2,  1  sonlar  qatoridan  oldin  ikkitadan 

kamayib boruvchi, keyin uchtadan kamayib boruvchi sonlar qatorini tanlab yozing. 

Ushbu  topshiriqlarning  maqsadi  o’quvchilarni  oralab  sanashga  o’rgatishdir. 

O’quvchi 1-topshiriq bo’yicha oldin 2 tadan (1, 3, 5, 7, 9), keyin 3 tadan (1, 4, 7, 

10)  ortib  boruvchi  sonlar  qatorini  tanlab  yozadi.  Ikkinchi  topshiriq  bo’yicha 

bajariladigan  o’quv  vazifalari  oldingi  –  birinchi  topshiriq  bo’yicha  amalga 

oshiriladigan  ishlarning  teskarisidir.  O’quvchi  2,  5,  8  va  3,  6,  9  sonlarini  yozadi. 

Bu  tamoyilga  rioya  qilinib,  o’quv  topshiriqlarining  bir-biriga  bog’liqligi  hisobga 

olinadi.