Boshlang’ich sinflar uchun matematikadan kompyuterli ijodiy topshiriqlar tizimini yaratish

2.  Kompyuterli  ijodiy  o’quv  topshiriqlarining  o’quvchilar  yoshi, 

qiziqishi,  real  o’qish  imkoniyatlariga  mosligi  tamoyili.  Bu  tamoyil 

o’quvchilarning  o’quv-biluv  faoliyatini  tashkil  etish,  boshqarish,  nazorat  qilish 

talablarini  amalga  oshirishga  mo’ljallangan.  Shu  tufayli  o’quvchilarning 

matematika  o’rganishga  qiziqishlarini  oshirish,  mustaqil  ijod  qilish  layoqatini 

o’stirish,  topshiriqlarni  o’quvchining  real  o’qish  imkoniyatlariga  moslashtirish 

talablari asosida o’tkaziladi. Masalan, 1-sinfda shunday topshiriq berilgan bo’lsin: 

a) berilgandan ikkitadan kamayib boruvchi sonlarni ajratib yozing: 9, 8, 7, 6, 5, 4, 

3, 2, 1; b) berilgan qatordan uchtadan kamayib boruvchi sonlarni tanlab yozing; v) 

eng  katta  bir  xonali  sonni  hosil  qilish  uchun  eng  kichik  bir  xonali  sonni  necha 

marta  qo’shish  lozim;  g)  berilgan  qatordagi  tashlab  ketilgan  sonlarni  nuqtalar 

o’rniga  qo’yib  yozing:  1,  2,  ...,  4,  ...,  6,  ...,  8,  9.  Shunday  ko’rinishdagi  ijodiy 

topshiriqlar  2-sinfda  o’quvchilarning  yoshi,  qiziqishi,  real  o’qish  imkoniyatiga 

quyidagicha  moslashtiriladi:  a)  yaxlit  ikki  xonali  o’nliklardan  tuzilgan  sonlarni 

o’sib  borish  tartibida  yozing;  b)  bir  xil  raqamlardan  tuzilgan  barcha  ikki  xonali 

sonlarni o’sib borish tartibida yozing: 11, 22, 33, 44, 55, 66, 77, 88, 99; v) bir xil 

raqamlardan tuzilgan sonlarni kamayib borish tartibida yozing: 99, 88, 77, 66, 55, 

44, 33, 22, 11.