Зиѐвуддин Раҳим 2 бисмиллаҳир роҳМАНир роҳийм!

НАМОЗХОН ЛИБОСИГА ҚЎЙИЛГАН ШАРТЛАР 
Мавриди келганда намозхон либосига қўйилган айрим шартларни эслатиб ўтамиз: 
1. Кийим кенг, намоз ўқиш учун қулай бўлиши. 
Либос юришга ҳам, намоз ўқишга ҳам қулай бўлгани афзал. Эркакларга тор шим кийиш тавсия 
этилмайди. Чунки бунда аврат аъзолари шакли кўриниб қолиши мумкин. Устига-устак, намоз 
ўқиѐтганда – рукуъ, сажда қилаѐтганда тор шим ѐки кўйлак ноқулайлик туғдиради. Баъзи намозхонлар 
рукуъга кетаѐтиб шимини бир кўтариб олади. Бу иш кўп такрорланаверса, намоз бузилиши эҳтимоли 
бор. Тор кийимда намозни рисоладагидек, хушуъ-хузуъ билан ўқиб бўлмайди. Мутахассислар 
айтишича, ўта тор либослар соғлиқ учун зарарли экан. Шунинг учун ихлосли мусулмон банда кийим 
олаѐтганда ѐки тиктираѐтганда модани эмас, биринчи навбатда ибодатдаги қулайликни ўйлайди. 
2. Нопок нарсалардан холи бўлиши. 
Нажосат теккан кийимда намоз ўқилмайди. Агар кийимнинг кўп қисмига нопок нарса теккан 
бўлса, унда ўқилган намоз бузилади. Агар бир дирҳам миқдорда теккан бўлса, жоиз. Фиқҳ 
китобларида ѐзилишича, оғир нажосатларнинг бир дирҳам миқдордагиси авф қилинади. Бу, қуюқ 
нажосатда бир мисқол, суюқда кафт миқдоричадир. Дирҳам оғирлиги 2.975 граммни ташкил этади. 
Мана шу миқдордаги оғир нажосат теккан либосда ўқилган намоз тўғри бўлади. Чунки ундан 
сақланиш қийин. Игна миқдоридаги сийдик ҳам авф этилади. 
Нажосат билан чанг-ғуборнинг фарқи бор. Маний, бавл каби нарсалар либосга тегса, нажосат 
теккан жой яхшилаб ювиб ташланади. Усталар, оғир меҳнат билан банд кишилар ишга алоҳида кийим 
қилишлари одатий ҳол. Агар уларнинг либоси пок бўлса, чанг, занг кабиларни яхшилаб қоқиб ташлаб, 
намоз ўқиса бўлади. Лекин масжидга иш кийимида борилмайди. Чунки бу билан намозхонларга озор 
етади, масжид кир бўлади. 
Кўчага кийиладиган кийимга нопок нарса тегмаган бўлса ҳам намоз учун алоҳида либос қилиб 
қўйиш мустаҳабдир. Чунки либосга нажосат томчилари тегиб кетиши эҳтимоли бор. 
Умуман олганда, ибодат учун алоҳида либос қилиш қўйиш талаб этилмайди. Кўчага киядиган 
ѐки тоза иш кийимида намоз ўқиса бўлади. Аммо имконини топганлар намоз учун алоҳида либос 
қилиб қўйганлари яхши. Шуни ҳам алоҳида таъкидлаб ўтиш лозим, мусулмон банда намозда ҳам, 
намоздан ташқарида ҳам пок бўлиши, авратини беркитиши зарур.