Кичик гуруҳ (3-4 ёш)

Мусиқий таълимий ўйин. Боланинг куй ва шовқинли товушлар 
ҳақидаги тасаввурини (“Қайси чолғу яширинган?”) кенгайтириш ва 
уларни фарқлашга ўргатишда давом этиш. Давра қўшиқларида мустақил 
ҳаракатланишга (М.Икромова “Баҳор гуллари”) ўргатиш. Шунингдек, 
боланинг мустақил равишда қўшиқ айта олиши мумкин бўлган ўйинларни 
ташкил қилиш. Мусиқий таълимий ўйинлар орқали (“Мусиқали 
сандиқча”) боланинг ўрганган билимларини аниқлаш ва мустаҳкамлаш; 
турли кайфиятдаги мусиқа садолари остида чакқонлик, зийракликка хос 
ҳаракатларни (“Рўмолчани узат” “Тулки ва товуқлар”, “Қуёнлар ва айиқ”, 
“Оқ теракми - кўк терак”) бажаришга ундаш.
Мусиқий-таълимий 
ўйинлардан: 
“Исмингни 
куйлаб 
бер”, 
“Қўнғироқчалар”, “Юрамиз-югурамиз”, “Ўрмонда”, “Қуёш ва булут”, 
“Мушук ва мушукчалар”, “Қуш ва қушчалар”, “Қувноқ мусиқачилар”, 
“Капалаклар ва гуллар”, “Қўғирчоқ-ўйинчоқ”, “Ким келяпти?”, “Қайси 
чолғуда куй чалинаяпти?”, “Қувноқ паровоз” кабиларни ташкил этиш.
Мусиқага оид маълумотлар. Болада мусиқий ва шовқинли товушлар 
ҳақида тасаввур пайдо қилиш ва уларни фарқлашга ўргатиш. Товушнинг 
баландлик, тембр, динамик хусусиятларини боланинг ёши ва имкониятига 
мос ҳолда, кўргазмалилик асосида тушунтириш. 
Фортепиано, доира чолғулари ҳамда металлофон, бубен, қўнғироқча 

---

108 
каби болалар чолғулари ижросидаги куйлардан баҳраманд қилиш.  
Ўқув йили охирида бола: 
- мусиқа товушларининг тембри, баландлиги ва регистрига кўра 
фарқлайди; 
- айрим чолғу асбоблари (қўнғироқча, шиқилдоқча, доирача в.б.)да 
чалиш усулларини билади; 
- ҳар бир мусиқанинг ўз нотаси мавжудлигини билади; 
- болалар чолғуларидан ташкил топган оркестрда иштирок эта олади; 
- рақс ҳаракатларини мусиқага мослай олади. 
- жамоада, ансамбл ва якка ҳолда қўшиқ айта олади; 
- фортепиано, доира, карнай каби чолғу асбоблари номларини билади 
ва овозидан фарқлайди. 
- мусиқий-таълимий ўйинларда қизиқиб иштирок этади;
- мусиқий асар бўйича ўз фикрлари билан ўртоқлашади ва куйларнинг
мазмунини изоҳлаб беришга ҳаракат қилади.