Кичик гуруҳ (3-4 ёш)

Лой, пластилин (тузли хамир ва рангли шамча)лар билан ишлаш. 
Боланинг лой, тузли хамир, пластилин, рангли шамдан нарсалар 
ясашга бўлган қизиқишини кучайтириш. Бир неча қисмли нарсани ясашда
тенгликка риоя қилган ҳолда тўғри жойлаштиришни; чимдиб ясаш 
усулини ўзлаштириб бориш. 
Ясашнинг аввалги гуруҳларда ўрганилган техник усулларини: лой 
бўлагини қўл кафтининг тўғри, айланали ҳаракатлари билан доира, 
цилиндир, овал шакллар (сабзи, олма, бодринг, лимон); япалоқлаш, 
яссилаш орқали (нон, ликобча) ҳосил қилиш; яхлит бўлакдан алоҳида 
қисмларни чимдиб, майда деталлар (қушчадаги тумшуқ)ни чиқариш ва 
текислашга ўргатишни такомиллаштириш.
Пластик материал (лой, тузли хамир, пластилин, рангли шам)лардан 
бир неча қисмдан иборат нарса ясаш, бунда ҳар бир тайёр қисмни бир-
бирига улаб, ёпиштирилган қисмларни силлиқлаш йўли билан 
мустаҳкамлаш; аниқ мазмунга эга бўлган кўринишни тасвирлашга 
(“Қушча дон чўқияпти”, “Саватдаги олмалар”) ўргатиш.
Ясалган буюмларнинг характерли белгиларини кўрсатишда, нақш 
билан безашда хипчин, тиш ковлагич, қуш пати, пахтали таёқчадан 
фойдаланишни ўргатиш. Бола эгаллаган техник билим ва кўникмаларидан 
фойдаланиб мустақил равишда ижод қилишига имкон бериш. 
Аппликация. 
Болада 
аппликация 
машғулотларига 
нисбатан 
қизиқишни ривожлантириш. Болага учи тўмтоқ қайчини тўғри ушлаш ва 
ишлатишни, аввал энли, сўнгра энсиз тасмачалар қирқишни, 
тасмачалардан турли шакллар тузиб (дарахт, бутоқ в.б.), қоғоз сатҳига 
елимлашни ўргатиш.
Квадратнинг бурчакларини юмалоқлаш йўли билан доира (олма, 
гилос, пуфак); тўғри тўртбурчакдан тухумсимон (овал) шакл қирқиш 
(сабзавотлар, мевалар, гуллар в.б.); квадратни диагонал бўйлаб қирқиш 
йўли билан учбурчак (арча ўйинчоқлари, байроқча), трапеция ҳосил қилиш 
учун қия кесиш (қайиқ), доирани тенг иккига буклаб қирқиш йўли билан 

---

103 
ярим доира ҳосил қилиш ва улардан 2-3 та тайёр шаклли нарсалар (гуллар) 
тузиш, елимлаш ва безаш. Қирқиш ва ёпиштириш малакаларини 
мустаҳкамлаш.
Шаклига ва рангига кўра геометрик шаклларни (доира, квадрат, овал) 
ва ўсимликлар (гуллар, япроқлар)ни навбатма-навбат қўйиш йўли билан 2-
3 қисмли яхлит нақш ҳосил қилиш ва қоғоз сатҳига елимлашни ўргатишда 
давом этиш.
Болани жамоа таркибида ишлашга, жамоавий иш (Гулзордаги 
капалаклар)ни бунёд этишга, жамоа бўлиб қайчисиз аппликация ясашга 
ўргатиш.
Ноанъанавий аппликация яъни бўрттирилган усулдан (гулқоғоздан,
рангли иплардан) фойдаланиш; қоғозга турлича ишлов бериш (қоғозни 
ғижимлаш, йиртиб олиш, қалам билан шакл бериш) орқали аппликация 
ясаш. Нақш, сюжет ва нарса тимсолларида ўз таассуротларини 
гавдалантиришга ҳаракат қилиш.