Кодекси Ҷиноятии Ҷумҳурии Тоҷикистон

Моддаи 296. Сўиистифодаи ваколат аз ҷониби аудиторҳо, судяҳои ҳакамӣ, (адвокат) 
1) Аз ҷониби аудитор, судяи ҳакамӣ, истифода намудани ваколаташон бар хилофи вазифаҳои 
фаъолияти ба зиммаашон гузошташуда ва ба мақсади ба даст овардани фоида ва бартариҳо барои 
худ ё дигар 
шахсон
ё расонидани зарар ба дигарон, агар ин кирдор ба ҳуқуқ ва манфиатҳои
қонунии шаҳрвандон, ташкилот, ҷамъият ё давлат зарари ҷиддӣ расонда бошад, ‐
бо ҷарима ба андозаи аз панҷсад то як ҳазор нишондиҳанда барои ҳисобҳо  ё маҳрум сохтан 
аз озодӣ ба мўҳлати то ду сол бо маҳрум кардан аз ҳуқуқи ишғоли мансабҳои муайян ё машғул 
шудан бо фаъолияти муайян ба мўҳлати то се сол ҷазо дода мешавад. 
2) Ҳамин кирдор, агар такрори содир шуда бошад, ‐
бо ҷарима ба андозаи аз як ҳазор то ду ҳазор нишондиҳанда барои ҳисобҳо ё маҳрум сохтан 
аз озодӣ ба мўҳлати аз ду то панҷ сол бо маҳрум кардан аз ҳуқуқи ишғоли мансабҳои муайян ё 
машғул шудан бо фаъолияти муайян ба мўҳлати то панҷ сол ҷазо дода мешавад. 
Моддаи 297. Аз ҳадди ваколат гузаштани кормандони хадамоти муҳофизати хусусӣ ва 
детективӣ 

---

1) Аз ҷониби роҳбарон ё хизматчиёни хадамоти муҳофизати хусусӣ ё детективӣ, бар хилофи 
вазифаҳои фаъолияти худ гузаштан аз ҳадди ваколат, ки мутобиқи лецензия ба онҳо дода шудааст, 
агар ин кирдор бо истифодаи зўроварӣ ё таҳдиди истифодаи он содир шуда бошад, ‐
бо корҳои ислоҳӣ ба мўҳлати то ду сол ё бо маҳрум сохтан аз озодӣ ба мўҳлати то ду сол бо 
маҳрум кардан аз ҳуқуқи ишғоли мансабҳои муайян ё машғул шудан бо фаъолияти муайян ба 
мўҳлати то се сол ҷазо дода мешавад. 
2) Ҳамин кирдор, агар:
а) бо истифодаи яроқ ё воситаҳои махсус содир шуда бошад;
б) боиси оқибатҳои вазнин гардида бошад, ‐
бо маҳрум сохтан аз озодӣ ба мўҳлати аз панҷ то ҳашт сол ҷазо дода мешавад.