Кодекси Ҷиноятии Ҷумҳурии Тоҷикистон

Моддаи 3. Принципҳои Конуни ҷиноятӣ ва ҷавобгарии ҷиноятӣ 
Қонуни ҷиноятӣ ба принципҳои қонуният, баробарӣ дар назди қонун, ногузир будани 
ҷавобгарӣ, ҷавобгарии фардӣ, гунаҳгорӣ, адолат, инсондустӣ ва демократизм асос меёбад. 
Моддаи 4. Принципи қонуният 
1) Ҷиноят будани кирдор, сазовори ҷазо ва оқибатҳои дигари ҳуқуқии ҷиноӣ будани онро 
танҳо ҳамин Кодекс муайян менамояд. 
2) Ҳеҷ кас дар содир намудани ҷиноят гунаҳгор дониста намешавад ва ба ҷазои ҷиноятӣ 
кашида намешавад ба ҷуз бо ҳукми суд ва дар асоси қонун. 
3) Татбиқи қонуни ҷиноятӣ аз рўи қиёс манъ аст. 
4) Мазмуни Кодекси ҷиноятӣ бояд дақиқан мутобиқи матни он фаҳмида шавад. 
Моддаи 5. Принципи баробарӣ дар назди қонун
Шахсон
е, ки ҷиноят содир намудаанд, қатъи назар аз ҷинс, нажод, миллат, шаҳрвандӣ, 
забон, муносибат ба дин, ақидаҳои сиёсӣ, таҳсилот, вазъи иҷтимоӣ, хизматӣ ва
молу мулк
ӣ, 
мансубият ба ҳизбҳои сиёсӣ, иттиҳодияҳои ҷамъиятӣ, маҳалли истиқоматашон ва дигар ҳолатҳо 
дар назди қонун баробаранд ва бояд ба ҷавобгарии ҷиноятӣ кашида шаванд. 

---

Моддаи 6. Принципи ногузирии ҷавобгарӣ 
Ҳар шахсе, ки ҷиноят содир намудааст, бояд таҳти ҷазо қарор гирад ё нисбати ў чораҳои 
дигари дорои хусусияти ҳуқуқии ҷиноии дар ҳамин Кодекс пешбинишуда татбиқ гардад. 
Моддаи 7. Принципи ҷавобгарии фардӣ ва гунаҳгорӣ 
1) Ҳеҷ кас таҳти ҷавобгарии ҷиноятӣ қарор гирифта наметавонад ба ҷуз аз кирдори (ҳаракат ё 
баҳаракатӣ) шахсии худ. 
2) Шахс танҳо барои он кирдори барои ҷамъият хавфнок ва оқибати хавфнокии ҷамъиятии ба 
вуқўъ пайвастани он, ки гуноҳи ў нисбати он муайян шудааст, ба ҷавобгарии ҷиноятӣ кашида 
мешавад. 
3) Гунаҳгоркунии объективӣ, яъне барои зарари бегуноҳона расонидашуда ба ҷавобгарии 
ҷиноятӣ кашидан мумкин нест.