Rivojlantirish instituti j. J. Jalolov, I. A. Ahmedov, I. S. Hotamov korxona tashqi iqtisodiy

Sirtqi reklama maxsus yirik va kichik gabaritli plakatlar,
elektrlashtirilgan pannolar, EHMda programmalashtirilgan
pannolardan foydalanib, harakat qiluvchi yozuvlar orqali,
reklama ko‘rgazmalarida tovarlarning o‘zini namoyish etish yo‘li
bilan amalga oshiriladi.
Transport vositalariga har xil plakatlar, e’lonlar, yozuvlar
yopishtirish, ularning devorlarini bo‘yash, yozish, rasmlar,
grafiklar, chizmalar osib qo‘yish sirtqi reklamaning turidir.
Tovarlarni sotish joyida reklama qilish esa magazin vitrinalariga
ularni qo‘yish, savdo zallariga ko‘rgazmalar, tovar belgilari,
planshetlar osish yo‘li bilan amalga oshiriladi.
Esdaliklar, har xil hadyalar berish orqali tovar va xizmatlarni
reklama qilish keyingi yillarda ayniqsa, tez rivojlanib bormoqda.
Bunday hadya va esdaliklar qimmat bo‘lmasa-da, kishilarning
kundalik ehtiyojlari uchun zarur buyumlar bo‘lmog‘i lozim.
Masalan, talaba, o‘qituvchi, ilmiy xodimlar uchun ruchka,
qalam, daftar, kitob, kichik kompyuter, papka va hokazolar,
ayollarga ro‘zg‘or xaltachalari, har xil bijuteriyalar va boshqalarni
berish maqsadga muvofiqdir. Bularning biron-bir ko‘rinarli
yerida tovar belgisi, firmaning nomi albatta ko‘rsatilgan bo‘ladi.