Microsoft Word Pochta aloqalari doc

NAZORAT SAVOLLARI 
 
1. Harbiy pochta jo‘natmasi bu nima?  
2. Harbiy pochta jo‘natmalarining turlarini aytib bering. 
3. Kim tomonidan harbiy pochta jo‘natmalarini jo‘natishga ruxsat 
etiladi? 
4. Harbiy pochta jo‘natmalarining o‘rovida ko‘rsatilayotgan 
xizmatga oid belgilarini aytib bering. 
5. Harbiy pochtalyoni tomonidan pochta aloqa bo‘limida oddiy, 
buyurtmali yozma xat-xabarlarni qabul qilish tartibi qanday? 
 
 
2.6 Olinganligi to‘g‘risida bildirishnomali pochta jo‘natmalari  
va pul o‘tkazmalari, to‘plamli pochta jo‘natmalari, ustama 
to‘lovli pochta jo‘natmalari 
 
2.6.1 Olinganligi to‘g‘risida bildirishnomali pochta 
jo‘natmalari va pul o‘tkazmalarini qabul qilish 
 
Olinganligi to‘g‘risida bildirishnomali pochta jo‘natmalari, pul 
o‘tkazmalarini qabul qilish va topshirish tegishli turdagi pochta 
jo‘natmalari va pul o‘tkazmalari uchun belgilangan tartibda amalga 
oshiriladi. 
Jo‘natuvchi bildirishnomani pochta orqali olishni xohlaganda, 119-
shakldagi bildirishnoma blankasini o‘z nomiga yoki pochta jo‘natmasi, 
pul o‘tkazmasini oluvchiga topshirgandan so‘ng bildirishnoma 
yuborilishi kerak bo‘lgan shaxs nomiga to‘ldiradi. Bildirishnoma old 

---

 
104
qismining yuqori qismida uning toifasi (oddiy, buyurtmali) va uni 
jo‘natish usuli (yer usti, avia) ko‘rsatiladi. Bildirishnoma blankasining 
orqa tomonida jo‘natuvchi quyidagilarni ko‘rsatadi: yuborilayotgan 
pochta jo‘natmasi, pul o‘tkazmasining turi, jo‘natish sanasi, pochta 
jo‘natmasi va pul o‘tkazmasi yuborilayotgan manzil hamda oluvchining 
nomi. Zarur bo‘lgan hollarda qiymati e’lon qilingan summa va ustama 
to‘lov summasi ko‘rsatiladi. 
Telegraf orqali olinganligi to‘g‘risida bildirishnomali pochta 
jo‘natmalari, pul o‘tkazmalarini (tezkor (telegraf) pul o‘tkazmalaridan 
tashqari) berishda 119-shakldagi bildirishnoma blankasi to‘ldirilmaydi. 
Lekin, agar jo‘natuvchi telegraf bildirishnomani pochta jo‘natmasida 
ko‘rsatgan manzili bo‘yicha olishni xohlasa, u 119-shakldagi to‘ldirilgan 
blankani ilova qilib, unda bildirishnoma jo‘natilishi kerak bo‘lgan 
manzilni ko‘rsatishi zarur. 
Tezkor (telegraf) pul o‘tkazmasini jo‘natuvchi telegraf orqali 
bildirishnomani 114-shakldagi tezkor (telegraf) pul o‘tkazmasi 
blankasida ko‘rsatilgan jo‘natuvchining manzili bo‘yicha yo‘llanishini 
istamasa, u bildirishnoma qaysi manzil bo‘yicha yuborilishi kerakligini 
yozma ravishda bildirishnomada ko‘rsatishi zarur. Tezkor (telegraf) pul 
o‘tkazmasini jo‘natuvchi tezkor (telegraf) pul o‘tkazmasini qabul 
qiluvchi pochta aloqasi obyektining xizmat ko‘rsatish hududidan 
tashqarida yashagan hollarda, u o‘zining telegrafli bildirishnoma 
yo‘llanishi kerak bo‘lgan manzilni yozma ravishda bildirishnomada 
ko‘rsatadi. Yozma ma’lumot kabi manzil uchun ham haq olinadi. Bu 
holda 119-shakldagi bildirishnoma to‘ldirilmaydi. 
Olinganligi to‘g‘risidagi bildirishnomali pochta jo‘natmasi, pul 
o‘tkazmasini qabul qilishda aloqa xodimi quyidagilarni bajarishi zarur: 
a) pochta jo‘natmasi (blankasi), pul o‘tkazmasida «Olinganligi 
to‘g‘risida bildirishnomali» yozuvining va aynan qaysi turining bor-
yo‘qligini tekshirishi; 
b) 119-shakldagi bildirishnoma blankalarining old va orqa 
tomonidagi yozuvlar to‘g‘riligini tekshirishi; 
v) pochta-kassa apparati, elektron majmuada rasmiylashtirilgan 1, 
3, 5-shakllardagi kvitansiyalarda «Olinganligi to‘g‘risida bildirish-
nomali» va aynan qaysi turdanligini ko‘rsatishi; 
g) bildirishnomaning orqa tomoniga kvitansiya raqamini qo‘yishi, 
to‘lovning to‘g‘riligini tekshirishi va bildirishnomalardagi markalarni 
taqvim tamg‘alari bilan hisobdan chiqarishi. 
 

---

 
105
                                                                                                                            
119-shakl