Microsoft Word Uzbek Олий таълимда кредит модуль Вохид Ўринов Avgust 10 2020. docx

Мисол: Ҳуқуқшунослик йўналиши бўйича бакалавр даражасини 
берувчи ўқув дастурини таxминий ўқиш натижалари: 
1. Ҳуқуқнинг асосий ва айрим соҳалари бойича умумий билимга эга 
бўлиш;
2. Ҳуқуқий меъёрларни турли манбалардан излаб топиш ва уларни 
таснифлай олиш; 
3. Ҳуқуқий меъёрларни таҳлил қилиш ва уларни ҳаётий муаммога 
қўллай олиш; 
4. Ҳуқуқ меъёрларидаги ноаниқлик ва номутаносибликларни аниқлай 
олиш; 
5. Ҳуқуқий ҳужжат, шартнома, ахборот, фикр ва хатларни ёза олиш; 
6. Ҳуқуқий масала бўйича оғзаки ахборот ва тақдимотлар қила олиш; 
7. Ҳуқуқни бошқа соҳалар билан боғлай олиш;
8. Мижозни тинглаш, у билан мулоқотга кира олиш;
9. Ҳуқуқ ва касб этикаси қоидаларини тушуниш ва уларни кўрсата 
олиш;
10. Ижтимоий, жинсий, ирқий ва диний тенгликни тушуниш ва ҳурмат 
қилиш; 
11. Бошқалар билан ҳамкорликда қилиш ва гуруҳда ишлай олиш; 
12. Танқид қилиш ва танқидни қабул қила олиш; 

---

37 
Ўқув дастури профилини яратиш дастурда ўргатиладиган фанлар, машғулотлар, 
модуллар рўйҳатини белгилаб олиш учун ҳам жуда катта аҳамиятга эга. Чунки 
дастурда қандай фанлар ва модулларнинг бўлиши дастур профилидан келиб 
чиқиб белгиланади. Профилнинг мавжудлиги, ундаги мақсадларнинг аниқлиги 
ўқув дастурига фақат дастур мақсадларига мос фан ва машғулотлар 
киритилишига, унга номутаносиб фанлар эса дастурдан чиқарилишига хизмат 
қилади. Бўлғуси талабалар ҳам дастур профили ёрдамида дастур давомида 
ўзларида қандай жиҳатлар шаклланиши ҳақида тушунчага эга бўладилар ва шу 
“харита” асосида ҳаракат қиладилар.
Pивожланган давлатлар ОТМлари ўзларининг ҳар бир ўқув дастурлари бўйича 
профилига эга ва буни уларнинг веб саҳифаларида кузатиш мумкин.
b) 
Кредитларни модуллар бўйича тақсимлаш қоидалари 
ОТМ ўқув дастурлари профиллари яратилгандан сўнг ундаги фанлар ва 
машғулотлар рўйхати шакллантирилади. Дастурдаги фанлар бир нечта 
модулларга ажратилади ва уларнинг ҳар бирига тегишли миқдорда кредитлар 
тақсимланади. Кредитларнинг ҳар бир модуль бўйича тақсимоти унда кўзланган 
ўқиш натижаларига эришиш учун талаба тахминан қанча ўқиш юкламасини 
бажариши кераклигига қараб белгиланади. Бунда ўқиш юкламалари миқдори 
уларни бажариш учун ўртача талаба тахминан қанча вақт сарфлаши ҳисобга 
олинади. Эслатиб ўтамиз, ECTS кредит-модуль тизимида 1 кредит 25-30 соат 
ўқиш юкламасига тенг.
ECTS тизимида кредитларни ўқув дастурлари, ўқув йиллари, семестрлар бўйича 
тақсимоти олдиндан белгилаб қўйилган. Яъни, ОТМлар ўқув дастурлари, ўқув 
йили ёки семестлар бўйича аниқ белгиланган кредитлар миқдорини ўзларича 
белгилай олмайдилар. Бу бўйича аниқ қоидалар мавжуд.