1-мавзу. Кириш. Ўзбекистон тарихи фани предмети, уни ўрганишнинг назарий-методологик асослари, манбалари ва аҳамияти

 
Қанғ, Довон ва Кушон давлатлари. 
Тадқиқотчиларнинг фикрига қараганда, Салавкийлар сулоласи билан 
доимий равишда олиб борилган курашлар натижасида мил.авв. III асрнинг 
бошларида Қанғ давлати пайдо бўлди. Кейинчалик, Юнон-Бақтрия давлати 
ҳамда кўчманчи қабилалар билан курашлар натижасида Қанғ давлати янада 
мустаҳкамланди ва айрим манбаларда Ўрта Осиёдаги йирик давлатлардан 
бири сифатида эслатилади. Бу давлатнинг асосий негизини Сирдарёнинг ўрта 
оқимида яшовчи қанғлар ташкил этганлар. Мил. авв. II асрнинг бошларига 
келиб Қанғ давлатининг ерлари бирмунча кенгайиб шарқда Фарғона водийси 

---

(Довон), шимоли-шарқда усун, юечжи қабилалари билан шимоли-ғарбда 
Сарису дарёси, ғарбда, Сирдарёгача борган. Бу катта ҳудуд Тошкент 
воҳасини, Талас водийсини ва қисман Чу водийсининг қуйи оқимидаги 
ерларни ўз ичига олиб Қанғ давлатининг асосий ерлари ҳисобланган, 
Мил.авв.II-I асрларда қанғликлар Амударё ва Сирдарё оралиғидаги ерларни 
ва Хоразмни ўзларига бўйсундирадилар. 
Қадимги манбаларда Қанғ давлат ҳокимияти қай тарзда идора 
қилинганлиги ҳақида аниқ маълумотлар берилмаган. Катта Хан сулоласи 
тарихида (мил.авв. 202-мил. 25 йй.) фақат бир марта Қанғуй (Қанғ) подшоси 
ўз оқсоқоллари билан маслаҳатлашиб иш тутганлиги эслатиб ўтилади. 
Тадқиқотлар натижаларидан хулоса чиқарадиган бўлсак, Қанғ давлати 
кенгашида қабила бошлиқлари, ҳарбий саркардалар фаол иштирок этганлар. 
Подшо саройи қошидаги кенгашда давлатнинг ички ҳамда ташқи сиёсати ва 
бошқа барча муҳим масалалар маслаҳат билан ҳал қилинган. 
Манбаларда Қанғ подшоларининг иккита: ёзги ва қишги қароргоҳлари 
эслатилади. Улар ёзни Ўтрорда (ҳозирги Қозоғистондаги Арис ва Туркистон 
оралиғида) қишни эса Қанқа (Қанха, ҳозирги Тошкент вилояти Оққўрғон 
туманида) ўтказганлар. Археологик тадқиқотлар натижаларига қараганда 
Ўтрор, Оқтепа, Қоровултепа, Қовунчи, Чоштепа, Мингўрик харобалари 
ўрнида қанғарларнинг қўрғонлари ва кўхна шаҳарлари бўлган. Шаҳар ва 
қишлоқларда яшовчи ўтроқ халқлар кўчманчи ва ярим кўчманчи аҳолига 
нисбатан юқори турганлар. Тошкент воҳасида яшовчилар асосан 
деҳқончилик ва боғдорчилик билан шуғулланганлар. Улар арпа, буғдой, 
тариқ, нўхат, шоли ва бошқа донли экинлар етиштирганлар. Мевали 
дарахтзор ва узумзорлари кўп бўлган. Сирдарёнинг ўрта оқимида яшовчи 
қанғарлар асосан, деҳқончилик ва чорвачилик билан шуғулланганлар. 
Мил.авв. II-I асрларга оид Хитой манбалари деҳқончилик ва 
чорвачилик, айниқса йилқичилик кенг ривожланган Довон (Да-юн, Фарғона) 
давлати ҳақида маълумотлар беради. Тадқиқотчиларнинг фикрларига 
қараганда, Довон давлати маълум сиёсий уюшмани ташкил этган бўлиб, 
давлатни бошқарувчи ҳукмдор манбаларда “ван” (подшо) унвони билан иш 
юритгани таъкидланади. Давлат ҳукмдори мамлакатнинг сиёсий ва диний 
ҳаётида катта аҳамиятга эга бўлган оқсоқоллар кенгашига таяниб иш кўрган. 
Оқсоқоллар уруш ва сулҳ тузиш масалаларини ҳал этишда иштирок этганлар, 
баъзан улар ҳукмдорнинг тақдирини ҳал этганлар. 
Манбалар Довон давлатининг пойтахтлари- бош шаҳар Эрши ва 
иккинчи шаҳар Ючен ( давлатнинг шарқида) ҳақида маълумотлар беради. 
Тадқиқотчилар бош шаҳарни Марҳамат (Андижон вил.) ва иккинчи шаҳарни 
Шурабашот (Ўзганд воҳаси Қирғ.) ўрнида бўлган деб ҳисоблайдилар. 
Фарғона воҳаси ҳудудларида кўчиб юрган чорвадор ва кўчманчи қабилалар 
Довон тарихида муҳим аҳамиятга эга бўлганлар. Бу қабилалар учун Фарғона 
маданий ва ҳунармандчилик маркази ҳисобланган. 
Мил.авв. II асрдан бошлаб Қашғардан Довонга шимолий йўлдан карвон 
йўли ҳаракати бошланади. Бу йўлдан ипак ва бошқа маҳсулотларнинг 
халқаро транзит савдоси амалга оша бошлайди. Бу пайтга келиб Довон 

---

аҳолиси кўпая бошлайди ва кўплаб мустаҳкамланган аҳоли манзилгоҳлари 
пайдо бўлади. Савдо йўлида Довон муҳим аҳамиятга эга бўла боради. 
Тадқиқотчиларнинг фикрича, Ясса ва Қорадарё воҳаларида кўпгина қалъалар 
савдо йўлини қўриқлаш мақсадида барпо этилади.
Ҳунармандчиликнинг 
ривожланиши 
ва 
қадимги 
йўлларнинг 
мавжудлиги туфайли Фарғона водийсида Шарқий Туркистон билан олиб 
борилган ташқи савдо билан бир қаторда, атрофдаги тоғ водийларида яшовчи 
чорвадорлар билан ҳам ўзаро алмашинув ривожланади. Антик давр Фарғона 
ёдгорликларининг айримларида Хитой тангалари (у-ши) учраса ҳам 
маҳаллий тангалар учрамайди. Бу ҳол натурал хўжалик (маҳсулот 
айирбошлаш) устунлигидан далолат беради. 
Қадимги Хитой манбалари Бақтрияни юечжи қабилалари босиб 
олганлиги ҳақида маълумот беради. Мил. авв. II асрнинг иккинчи чорагида 
(тадқиқотчилар бу санани мил. авв. 172-161 йиллар оралиғида деб 
белгилайдилар) юечжилар хуннлардан мағлубиятга учраганидан сўнг Ўрта 
Осиёнинг шимолий ҳудудларида кўчиб юрадилар. Бу қабилалар Хитой 
манбаларида “Да-юечжи” - ”Буюк” ёки “Катта Юечжи” деб эслатилади. Чжан 
Сзян маълумотларига кўра, юечжилар хунн қабилаларидан мағлубиятга 
учрагач Ўрта Осиёнинг жанубига томон ҳаракат қилиб, Даҳя (Бақтрия)ни 
босиб оладилар ва Гуйшуй (Амударё)нинг шимолий томонида 
жойлашадилар. Тўнғич Хан уйи тарихида ҳам юечжилар Гуйшуй дарёсининг 
шимолий томонида ўз пойтахтларига асос солганликлари таъкидланади. 
Тадқиқотчиларнинг фикрларига қараганда, юечжилар мил. авв. 140-130 
йиллар оралиғида Бақтрияга бостириб кирганлар. Орадан кўп ўтмай 
Бақтрияда Катта юечжи давлати ташкил топади. Кичик Хан уйи тарихи 
маълумотларига кўра, Катта юечжи ҳукмдорлари кўл остида бешта ҳокимлик 
(Хи-хеу) бор бўлиб, улар Хюми, Шаунми, Гуйшуан, Хисе ва Думилардан 
иборат эди. Хитой манбаларидан хулоса чиқарган кўпчилик тадқиқотчилар 
Бақтрия тарихидаги бутун юечжи даврини учта босқичга бўладилар. 
1. Мил. авв. 139-125 йиллар-Катта юечжи Даҳя вилоятини босиб олади, 
аммо уларнинг асосий мулклари Амударёдан шимол томонда эди. 
2. Мил. авв. 25 йилга қадар-Катта юечжи давлатининг шаклланиши ва 
кейинги ривожланиши. Давлатнинг пойтахти Амударёдан шимол томонда 
бўлиб, жанубий чегараси Гибин атрофларида (Кашмир ёки Қандаҳор) эди. 
Юечжилар бўйсундирган ҳудудлар Хисе, Шаунми, Гуйшуан, Хюми, Думи 
мулкларидан иборат бўлиб улар хи-хоу (ябғу) томонидан бошқарилган. 
3. Мил.авв. 125 йилгача Катта юечжи давлатининг инқирози ва 
юқорида эслатилган мулкларнинг мустақил бўлиши. Кушон (Гуйшуан) 
ябғуси Киоцзюкю (Кужула Кадфиз) қолган тўртта мулкни бирлаштириб 
Кушон давлатига асос солди. 
Мил. авв. I асрнинг охири-мил. I асрнинг бошларига келиб гуйшуан 
ҳокими Киоцзюкю барча мулкларни бирлаштириб, Қобулистон ва 
Қандарҳорни забт этади. Натижада бу даврга келиб Кушон давлати ўз 
аҳамиятига кўра антик давр Хитойдаги Хан давлати, Парфия подшолиги, Рим 
салтанати билан рақобатлаша оладиган қадимги дунёнинг энг қудратли ва 

---

забардаст давлатларидан бири сифатида ташкил топди. Хитой манбаларидаги 
“Гуйшуан ҳокими Киоцзюкю”, илк кушон даврига оид топилма тангаларда 
акс эттирилган “Кушон подшоси Кужула Кадфиз”га айнан мос тушади. 
Кушон подшолари ичида энг машҳури Канишка ҳисобланади. Унинг 
ҳокимлик даврида Кушонлар салтанати гуллаб-яшнашининг юқори 
чўққисига кўтарилади. Канишка даврида Панжоб, Кашмир вилоятлари 
мамлакатга қўшиб олинади. Айрим тадқиқотчиларнинг фикрича, давлатнинг 
пойтахти Далварзиндан (Сурхондарё), Пешовар (Афғонистон) атрофларига 
кўчирилади. Бу даврда (мил. II аср) мамлакатнинг ҳудуди Шимолий 
Ҳиндистон, Афғонистон, Ўрта Осиёнинг жануби, Шарқий Туркистондан 
иборат эди. Сюан Сзяннинг ёзишича, “Канишка подшолик қилган даврда 
унинг шон-шуҳрати қўшни мамлакатларга ёйилди. Мамлакатнинг ҳарбий 
қудрати кўпчилик томонидан тан олинди. Хитойнинг ғарб томонидагилар 
ҳам Канишканинг ҳокимиятини тан олиб, унга ўз гаровга қўйган одамларини 
юборар эдилар”. 
Кушон даврига оид кўплаб очилган кўҳна шаҳарлар бу пайтда 
шаҳарсозлик маданияти айниқса гуллаб-яшнаганлигидан далолат беради. 
Айртом, Афросиёб, Далварзинтепа, Термиз, Зартепа, Кампиртепа каби кўҳна 
шаҳарлар шулар жумласидандир. 
Кушон подшолиги руҳонийлар қўлидаги давлат бўлиб, бу давлатда 
подшо ҳокимиятни бошқариш билан бирга бош қоҳин ҳам ҳисобланган. 
Подшолик сатрапияларга бўлинган бўлиб, уларнинг бошлиқлари маълум 
маънода ўзларини мустақил деб ҳисоблаганлар. Кушон подшолиги 
қулдорлик давлати ҳисоблансада, давлатда қишлоқ жамоаларининг аҳамияти 
ниҳоятда катта бўлган. Тадқиқотлар натижасида кушонлар даврида 
ҳунармандчиликнинг турли соҳалари, ички ва халқаро алоқалар, маданий 
ҳаёт гуркираб ривожланганлиги аниқланган. Пул муомаласида асосан олтин 
ва мис тангалардан фойдаланилган. Қишлоқ хўжалигида деҳқончилик сунъий 
суғоришга асосланган бўлиб, қишлоқ хўжалик экинларининг жуда кўп 
турлари етиштирилган.