Ўзбекистон республикаси олий ва ўрта маҳсус таълим вазирлиги

5.4. Чуқурдаги яхлит магматик жинслар 
Гранит - қурилишда кенг тарқалган (расм 7.2) кристалл жинс бўлиб, 
асосан кварц (20-40%), дала шпати - ортоклаз (40-70%) ва слюда (5-20%) дан 
ташкил топган. Бундай ташқари гранит таркибида ишқорли плагиоклаз, 
роговая обманка каби минераллар ҳам учрайди (7.3.-расм). 
Гранит тиниқ сариқ ёки оч қора рангда бўлиб, асосан у таркибидаги 
минераллар рангига қараб ўзгаради. Гранитнинг ўртача зичлиги 2,6-2,8 г/см
3
, 

---

ғоваклиги (0,5-1,5%) ва сув шимувчанлиги эса ниҳоятда кам. Сиқилишдаги 
мустаҳкамлик чегараси 120-250 МПа, иссиқлик ўтказувчанлик коэффиценти 
2,5-3,0 Вт/мºС га тенг. 
Гранитни қайта ишлаш ва силлиқлаш унча қийин эмас. 
Тош ашёлар орасида гранит юқори техник сифатга эга бўлганлиги 
сабабли қурилишда (йўл қурилишларида, безакли қоришма ва бетон 
конструкциялар 
ишлаб 
чиқаришда, 
гидротехника 
иншоотларида, 
меъморчиликда, безак қисмлар тайёрлашда) кенг қўлланилади. Гранит 
табиатда ҳар хил рангда учрайди. Ундаги дала шпати оқ, кул ранг, сариқ, қизил 
ва бинафша рангларда бўлиши мумкин.
Сиенитлар - асосан калий шпатидан ташкил топган (5,0-70%) тоғ жинси 
бўлиб, гранитдан фарқи асосан таркибида кварц минералининг камлиги ёки 
мутлақо бўлмаслигидадир. Сиенитни силлиқлаш ва пардозлаш қийин эмас. 
Сиқилишдаги мустаҳкамлик чегараси 100-250 МПа, зичлиги эса 2600-2700 
кг/м
3
. Сиенитлар сариқ, қизғиш, тўқ кўк рангларда учрайди. Ўзбекистоннинг 
Оҳангарон туманида сиенит заҳиралари кўп 
Диорит - нордон плагиоклаз (70%), роговая обманка, биотит ва авгит 
минералларидан ташкил топган тоғ жинси.Диоритлар бир текис кристалли 
тузилишга эга. Агар диорит таркибида кварц миқдори кўп . бўлса, кварцли 
диорит деб аталади. У тўқ кўк ва очиқ кул рангларда учрайди. Сиқилишдаги 
мустаҳкамлик чегараси 150-300 МПа, зичлиги 2800-3000 кг/м
3
га тенг. Диорит 
йўл қурилишда ва қоплама пардозбоп ашёлар сифатида кўп ишлатилади. 
Габбро – тоғ жинси, асосан дала шпати (50%), авгит, оливин ва пироксен 
минераллардан ташкил топган. Габбро бир текис йирик донали тузилишга эга. 
Габбро йўл қурилишида ва пардозбоп безак буюмлари тайёрлашда 
ишлатилади. Унинг зичлиги 2900-3000 кг/м
3
, сиқилишдаги мустаҳкамлик 
чегараси 200-350 МПа га тенг.