Махсус таълим вазирлиги тошкент давлат иқтисодиёт университети

4-мисол. Мутаассиблик институт ҳисобланадими? 
а) ҳа; 
б) йўқ. 
Жавоб: а), Нельсон ва Уинтернинг фикрича, мутаассиблик у орқали 
бугунги хатти-ҳаракат келгусидаги хатти-ҳаракатга таъсир кўрсатадиган 
"олдиндан айтиб бўлинадиган ва такрорланувчи" ҳаракат сифатида 
таърифланади; "такрорланувчи ҳаракат модели". Мутаассиблик кундалик 
фаолиятни ташкил этиш ва атрофдагилар билан ўзаро ҳамкорликнинг 
алоҳида усули бўлиб хизмат қилади, ва ушбу жиҳатдан уни институт дейиш 
мумкин. 
КЕЙСЛАР 
Кейс 1. Аҳолига маиший хизматлар кўрсатиш 
Харидор (эркак киши) дўкондан куртка сотиб олди. Уни кимёвий усул 
билан тозалаш корхонасига топширди. У ерда курткани тозалаш вақтида уни 
йиртиб қўйишди. Мижоз курткани олишдан бош тортиб, компенсация талаб 

---

138
қилди. Бироқ корхонада бу ҳол заводда йўл қўйилган нуқсон туфайли юз 
берди деб жавоб қилишди. Кимёвий усул билан тозалаш корхонаси 
компенсация тўлашдан бош тортиб, мустақил экспертиза хулосасининг 
тақдим этилишини таклиф қилди. Дўконда курткани алмаштиришдан бош 
тортишмоқда, чунки уни харидор кийган. Дўконнинг чеки ва кимёвий усул 
билан тозалаш корхонасидан бериган квитанция мижозда мавжуд эмас. 
Харидорга зарарни ким қоплаши керак?  
Саволлар:
Кимёвий усул билан тозалаш корхонаси билан мижоз ўртасида 
тузилган шартнома таркибининг асрсий қисмларини ажратинг. 
Шартноманинг тузилиши кимёвий усул билан тозалаш корхонаси ва 
мижозга (улар шартнома тузмаган вазият билан солиштирилганда) қанақа 
устунликлар беради? 
Шартномага тозалаш жараёнида буюм шкастланиши мумкинлиги 
тўғрисидаги огоҳлантиришнинг киритилиши кимёвий усул билан тозалаш 
корхонасининг хатти-ҳаракатига қандай таъсир кўрсатиши мумкин? Мазкур 
ҳолатда куртканинг сифатини ўлчаш харажатлари кимнинг бўйнига 
қўйилади? Қайси тараф ўзини оппортунистик тутиш имкониятига эга бўлади? 
Кимёвий усул билан тозалаш корхонаси билан мижоз ўртасидаги 
тузилган шартнома мукаммал ҳисобланадими? Ўз жавобингизни асосланг.