4
KIRISH
O’zbekiston Respublikasi Prezidentining 2017 yil 7 fevraldagi “O’zbekiston
Respublikasini yanada rivojlantirish bo’yicha harakatlar strategiyasi to’g’risida”gi
PF-4947-sonli Farmoni bilan “2017-2021 yillarda O’zbekiston Respublikasini
rivojlantirishning beshta ustuvor yo’nalishi bo’yicha Harakatlar strategiyasi”
tasdiqlandi. Unga ko’ra 2017-2021 yillarda O’zbekiston Respublikasida oliy ta’lim
tizimini tubdan takomillashtirish Dasturini ishlab chiqish masalasi qo’yildi.
Harakatlar strategiyasida belgilangan vazifalar ijrosini ta’minlash maqsadida
2017 yil 20 aprelda O’zbekiston Respublikasi Prezidentining “Oliy ta’lim tizimini
yanada rivojlantirish chora-tadbirlari to’g’risida”gi PQ-2909-sonli Qarori qabul
qilindi. Mazkur qaror bilan “2017-2021 yillarda oliy ta’lim tizimini kompleks
rivojlantirish dasturi” tasdiqlandi.
2017-2021 yillarda oliy ta’lim tizimini kompleks rivojlantirish Dasturini joriy
etish bo’yicha chora-tadbirlar kompleksida belgilangan “Zamonaviy o’quv, o’quv-
uslubiy va ilmiy adabiyotlar (jumladan, xorijiy adabiyot asosida) bilan ta’minlash”da
o’quv-uslubiy majmualar tayyorlash va o’quv jarayonida qo’llash muhim ahamiyat
kasb etadi. Modomiki, hozirgi zamonda bo’lajak mutaxassis – bitiruvchi shaxsni har
tomonlama rivojlantirishga qaratilgan amaliy ta’lim jarayonida talabalarning faol
faoliyatlarini tashkillashtirish muammosi muhim ijtimoiy-pedagogik ahamiyatga ega
bo’lmoqda. Zero, insoniyat taraqqiyotining hozirgi bosqichi globallashuv
jarayonlarining jadal rivojlanishi orqali tavsiflanar ekan, globallashuvni iqtisodiy
jihatdan qaraydigan bo’lsak, u jahon xo’jaligining butun makonini qamrab oluvchi
iqtisodiy munosabatlar tizimining tashkil topishi va rivojlanishini anglatadi.
Shu bois globallashuv sharoitlarida mustaqil ravishda qaror qabul qila
oladigan, maqsadlarni belgilay oladigan va amalga oshira oladigan, o’z faoliyatini
ongli baholay oladigan faol shaxsni shakllantirish muammosi dolzarb bo’lib
bormoqda. Hozirgi kunda Yurtboshimiz rahnamoligida amalga oshirilayotgan ishlar
zamirida ham farzandlarimizni komil insonlar qilib tarbiyalash orqali yurtimiz
taraqqiyotining mustahkam poydevorini qo’yish, uning buyuk kelajagini bunyod
etishdek ezgu maqsadlar yotadi.
Shu boisdan “Moliyaviy menejment” fanidan tayyorlangan o’quv-uslubiy
majmua amaldagi qonunchilik, Harakatlar strategiyasi va qabul qilingan dasturlar,
vazirlik tomonidan tasdiqlangan fan dasturi, korporativ boshqaruv bo’yicha xorijiy
tajriba asosida ishlab chiqildi.
Unda birinchi o’rinda fan dasturiga muvofiq ma’ruzalar mavzulari yoritib
berilgan. Har bir mavzu bo’yicha: reja savollari, tayanch so’z va iboralar, asosiy matn
berilgan bo’lib, ma’ruzalar bo’yicha o’quv materiallar matni ko’rgazmali elementlar,
rasmlar, diagramma, gistogramma, grafiklar, qiziqarli havolalar, misollar keltirilgan.
Xorijiy adabiyotlardan havolalar olingan.
5
Ikkinchi o’rinda fan dasturiga muvofiq amaliy mashg’ulotlarda ko’riladigan
masalalar, topshiriqlar berilgan. Unda har bir mavzu bo’yichatopshiriqlar variantlari,
masala va misollar, keys-stadilar, nazorat savollari, horijiy va mahalliy adabiyotlar
ro’yxati keltirilgan.
Shundan so’ng fan bo’yicha mustaqil ta’lim mashg’ulotlari mavzulari,ularni
o’zlashtirish bo’yicha zarur uslubiy ko’rsatmalar berilgan. Fan dasturiga muvofiq
mustaqil ishlar mavzulari, mazmuni, maqsadi, kutilayotgan natijasi, variantlari, zarur
tushuntirishlar hamda mustaqil vazifalarini bajarishga qaratilgan boshqa ma’lumotlar
keltirilgan.
Fan bo’yicha tayanch so’z va iboralar o’zbek, rus va ingliz tillarida keltirilgan
bo’lib, ularning mohiyatini to’g’ri anglash moliyaviy boshqaruv sohasini to’liq
o’rganishga xizmat qiladi.
Shuningdek o’quv-uslubiy majmuaga ilova sifatida fan dasturi, testlar,
tarqatma materiallar, baholash mezonlari keltirilgan.
Umuman yuqoridagilar asosida ta’kidlash mumkinki, o’quv-uslubiy majmua
materiallarini to’liq o’zlashtirish, talabalarga yetkazish fanni to’liq o’zlashtirishda
muhim ahamiyat kasb etadi.
