Texnologiyalari

V. LOYIHАVIY TА’LIM TEXNOLOGIYALАRI
1911-yilda AQSH ta’lim tizimida “loyiha” tushunchasi ta’limiy kategoriya deya e’tirof etilgan bо‘lsa, 
loyiha metodi didaktik metod sifatida XIX asr boshlarida shakllangan.
Loyiha  (lot.  “projectus”  –  “ilgari  surilgan”)  –  aniq  reja,  maqsad  asosida  uning  natijalanishini 
kafolatlagan holda pedagogik faoliyat mazmunini ishlab chiqishga qaratilgan harakat mahsuli.
Loyiha ta’limi – ta’limiy xarakterdagi aniq reja, maqsad asosida uning natijalanishini kafolatlagan 
holda pedagogik faoliyat mazmunini ishlab chiqishga yо‘naltirilgan ta’lim.
Loyihalash  texnologiyasi  mustaqil  kognitiv  va  amaliy  faoliyatni  tashkil  etish,  dunyoqarashini 
kengaytirish,  natijalarga  erishish  faoliyatini  mohirona  loyihalash  ishlarini  bajarish  qobiliyati  va 
kognitiv qiziqishni shakllantirish, о‘z fikrini bayon etish va himoya qilish qobiliyati, mustaqil ta’lim 
olish hamda ilmiy izlanish va tadqiqotchilik faoliyatiga yо‘naltirilgan ijodiy potensialni rivojlantirish 
imkonini beradi. 
О‘quvchilar muammolarni muvaffaqiyatli hal etishlari uchun о‘qituvchi ularga tegishli kо‘rsatmalar 
berishi, foydalaniladigan manbalarni tavsiya etishi, о‘qitishdan kо‘zlangan natijaga erishish yо‘llarini 
kо‘rsatishi lozim. 
Loyihalash  texnologiyasining  asosiy  g‘oyasi  amaliy  yoki  nazariy  ahamiyatga  molik  bо‘lgan 
muammoni hal etishni loyihalash, uning aniq yechimi, agar amaliy muammo bо‘lsa, amaliyotga 
qо‘llash  masalasi  bо‘yicha  aniq  tavsiyalar  ishlab  chiqishdan  iborat.  О‘quvchilar  ushbu  natijaga 
erishish uchun mustaqil fikr yuritish kо‘nikmalarini egallagan bо‘lishlari, muammoni anglash va uni 
hal etish yо‘llarini izlashlari, bu borada avval о‘zlashtirgan bilimlaridan foydalanishlari, fanning turli 
sohalarida izlanishlar olib borishlari, olinajak natijalarni bashorat qilish, turli yechimdagi variantlarni 
ishlab chiqishlari, sabab-oqibat bog‘lanishlarini tasavvur qilishlari zarur. 
Ma’lum  bir  muammoli  vaziyatni  vujudga  keltirish  orqali  о‘quvchilarning  qiziqishlarini  orttirish, 
loyihalash faoliyatini shakllantirish, ularning tegishli bilimlarni egallashlari, fanlararo bog‘lanishlarni 
amalga oshirish loyihalash texnologiyasining asosiy mohiyati sanaladi.
Loyihalash texnologiyasida foydalanish о‘quvchilarga individual va differensial yondashish imkonini 
beradi. 

---

27
8-SINF DARSLIGI BO‘YICHA