Texnologiyalari

O‘QUV-METODIK QO‘LLANMA
VI. FAOL VA INTERFАOL TА’LIM TEXNOLOGIYALАRI
VI.1.“Konferensiya” metodi
Didaktik o‘yinli darslar orasida konferensiya darslari ham muhim o‘rin tutadi. Konferensiya darslari 
o‘quvchilarda  yashirin  iqtidorlarini  yuzaga  chiqarish:  mustaqil  ravishda  ma’ruza  tayyorlash  va 
jamoani o‘ziga qarata bilish, o‘z bilimini namoyon eta bilish kabi xislatlarni tarbiyalaydi. Shuningdek, 
o‘quvchilarning bilish faoliyatini faollashtirishda, ilmiy dunyoqara shini kengaytirishda, ilmiy va ilmiy-
ommabop adabiyotlar bilan mustaqil ishlash ko‘nikma va malakalarini orttirish, mustaqil hayotga 
ongli tayyorlashda muhim ahamiyat kasb etadi.
O‘qituvchi konferensiya darsini o‘tishdan avval dars mavzusi, maqsad va vazifalarini belgilab, shu 
mavzuga oid qo‘shimcha ilmiy va ilmiy-ommabop adabiyotlarni ko‘zdan kechiradi. Mazkur darsni 
o‘tishdan 10 kun oldin dars mavzusi e’lon qilinib, unga tayyorgarlik ko‘rish uchun adabiyotlar tavsiya 
etiladi.  E’lon  qilingan  didaktik  o‘yinli  darsda  «Kompaniya  boshliqlari»  rolini  tanlash,  mavzuni  har 
tomonlama  yoritish,  ma’ruza  tayyorlash  o‘quvchilarning  ixtiyorida  bo‘ladi.  Darsga  tayyorgarlik 
davrida o‘qituvchi tomonidan ijobiy rag‘batlantirish va muloqot madaniyati, o‘quvchilarning darsga 
qizg‘in ishtiroki muhim omil sanaladi.