Ўзбекистон республикаси олий ва ўрта таълим вазирлиги

3.2. Бино ва унинг конструкцияларида учрайдиган дефект, 
шикастланиш ва деформация ҳолатлари 
Эксплуатациядаги бино конструкциялари ташқи муҳит билан ўзаро 
мураккаб таъсирда бўлади. Авария ҳодисаси деб иншоот элементларида
бутунлай ѐки қисман бузилиш ҳолатлари мавжуд, юк кўтарувчи 

---

60 
конструкциялар бузилиш босқичидаги ҳолатга айтилади; авария ҳолати эса 
айрим элементлар чегаравий ҳолатда бўлиб, кучланганлик даражаси 
материалнинг мустаҳкамлик чегарасидан ошмаган ѐки баъзи конструктив 
элементларнинг айрим деталлари ишдан чиққан, бироқ бузилиш руй бермаган 
ҳолатни назарда тутади [7].
Дефект – бу конструкциянинг маълум бир параметрларга, меъѐрий ѐки 
лойиҳа талабларига мос келмаслигидир. Масалан, ѐпма тўсинида арматуранинг 
лойиҳада белгилангандан паст синфининг қўлланилиши дефект бўлиб, бунинг 
натижасида тўсиннинг эгилиб, унда дарзлар ҳосил бўлиши ҳодисаси – 
шикастланишдир. Демак, одатда конструкциянинг дефектли ҳолати уни 
шикастланишга олиб келади ва бу ҳолат охир-оқибат конструкциянинг 
бузилиши ѐки авария ҳолатига олиб келиши мумкин.
Лойиҳа-қидирув ишларидаги дефектларга қурилиш майдончасининг 
нотўғри танланиши, грунтни юк кўтариш ҳолатини нотўғри баҳолаш, 
материални, конструкцияни ва кесим юзаларни нотўғри танлаш, ташқи юкларни 
аниқлашдаги хатоликлар ва ҳ.к. киради. Баъзи дефектлар тўғридан-тўғри 
қурилиш жараѐнида лойиҳа чизмаларида ноаниқликлар мавжудлиги ѐки 
чизманинг тўлиқ эмаслиги, баъзи ишлар бўйича лойиҳада зарурий 
кўрсатмаларнинг йўқлиги сабабли қурувчи томонидан ечим қабул қилиниб, 
вазиятдан чиқилади.
Аҳамияти (хавфлилиги) бўйича уч турга бўлинади: 
аварияга олиб келувчи дефектлар. Бундай дефектлар аниқланганда 
уларни дарҳол бартараф этиш зарур; 
бузилиш 
хавфини 
туғдирмайдиган, 
бироқ 
конструкцияни 
кучсизланишига олиб келадиган ѐки бинонинг эксплуатацион сифатига таъсир 
кўрсатадиган дефектлар, шунинг учун улар ҳам бартараф қилиниши зарур; 

---

61 
бузилишга олиб келмайдиган, бироқ бинонинг эксплуатацион 
сифатига таъсир кўрсатадиган ва эксплуатация жараѐнида қўшимча ҳаражатлар 
талаб қиладиган дефектлар. 
Дефектларнинг тавсифи бўйича текширув натижасида бевосита кўзга 
кўринмайдиган ва кўринадиган турларга бўлинади (3.2-расм).