Parchalanuvchi qo‘l granatalarini uloqtirish usullari va qoidalari

242-rasm. Granatani okopdan uloqtirish:

a – tik turgan holda; b – tizada turgan holda.

Chap qo‘l bilan okop qirg‘og‘iga tayanib keskin to‘g‘rilanadi va granata nishonga qarata kuch bilan, nishonga tik tushishi uchun yo‘nalish bergan holda uloqtiriladi.

Yotgan holda granata uloqtiriladigan bo‘lsa, uloqtirish fursatida chap tizzaga turiladi.

Yon tomondan shamol esayotgan bo‘lsa, tankka qarshi granata uloqtirilgan yo‘nalishidan og‘ishini hisobga olish kerak, granata harakatchan nishonga qarata uloqtirilganida nishonga bevosita tegishi uchun uni nishon harakati oldiga otish lozim.

Agar granata uloqtirilmagan bo‘lsa u komandir kuzatuvi ostida zararsizlantiriladi.

“Kumulyativ granata zararsizlantirilsin!” komandasiga ko‘ra saqlovchi tortqi (agar u sug‘urilgan bo‘lsa) joyiga solinadi, uning uchlari kerib qo‘yiladi. Dasta granata qobig‘idan burab ajratiladi va zapal granata qopqog‘idagi uyadan sug‘urib olinib, lattaga (qog‘ozga) o‘raladi. So‘ngra qopchiq cho‘ntagiga joylashtiriladi. Dasta granata qobig‘iga biriktirilib, solib qo‘yiladi.