Parchalanuvchi qo‘l granatalarini uloqtirish usullari va qoidalari

Granatani uloqtirish uchun quyidagi amallar bajariladi:

granatani qo‘lga olib, barmoqlar bilan o‘t ochish tirgagi granata qobig‘iga siqib tutiladi;

o‘t ochish tirgagini mahkam siqib turgan holda ikkinchi qo‘l bilan saqlovchi tortqi uchlari to‘g‘rilanadi va uni barmoq bilan halqasidan tortib, zapaldan sug‘urib olinadi (234-rasm);

234-rasm. Zapalni burab o‘rnatish va saqlovchi tortqini sug‘urish.
quloch ochib granata nishonga qarata uloqtiriladi; mudofaa mobaynida qo‘llaniladigan granata uloqtirilganda pana ortiga o‘tiladi.

Ayni paytda qurol tezkor harakatni ta`minlovchi holatda bo‘lmog‘i lozim.

Granatani bir joyda tik turgan holatda uloqtirish uchun (235-rasm) quyidagi amallar bajariladi:

nishonga yuzlanib turiladi;

granatani o‘ng qo‘lga (chapaqay – chap qo‘lga), qurolni esa chap (o‘ng) qo‘lga olib saqlovchi tortqi sug‘uriladi;

o‘ng (chap) oyoq bilan tizzani bukib, ortga bir qadam tashlanadi;

tanani o‘ng (chap)ga biroz burib, (eshib) granata yoy bo‘yicha pastga va ortga tortiladi;

o‘ng (chap) oyoqni tez to‘g‘rilab turib, ko‘krak nishon tomonga buriladi va granata elka uzra olib o‘tib uloqtiriladi. Granata qo‘yib yuborilayotganda tirsak qo‘shimcha siltanadi. Uloqtirish mobaynida tana og‘irligi chap (o‘ng) oyoqqa o‘tkazilib, qurol keskin ortga tortiladi.