Параллел ишлаши

Мавзу: Трансформаторларнинг параллел ишлаши
Икки (ёки ундан кўп) трансформаторларнинг бирламчи чулғамлари битта электр тармоғидан (манбаидан) энергия билан таъминланиб, иккиламчи чулғамлари эса умумий истеъмолчига (ёки тармоққа) уланган ҳолдаги ишини трансформаторларнинг параллел ишлаши дейилади.
Трансформаторларни параллел ишлатиш истеъмолчиларни электр энергия билан узлуксиз таъминлашда катта амалий аҳамиятга эгадир. Масалан, параллел ишлаётган трансформаторлардан бирортасида авария ҳолати содир бўлса ёки таъмирлаш учун уни манбадан ажратганда ҳам энергия таъминоти узилмайди, чунки бу ҳолда истеъмолчилар электр энергияни параллел ишлаётган бошқа трансформатор(лар)дан олади.
Подстанциянинг умумий юкламаси ошганда параллел ишлаётган трансформаторларнинг сони оширилиб, юклама камайганда эса трансформаторларнинг бир қисми тармоқдан ажратиб қўйилади. Трансформаторлар юкламасининг шу тарзда оптималланиши, уларнинг энергетик кўрсаткичлари (ФИК ва cos)ни яхшилайди.
Трансформаторларнинг параллел ишлаши
1-шарт. Параллел уланадиган ва ишлаб турган трансформаторларнинг бирламчи номинал кучланишлари ўзаро тенг ва иккиламчи номинал кучланишлари ҳам тенг бўлиши, яъни линиявий трансформациялаш коэффициентлари (k) бир хил бўлиши лозим:
U1.ном(I)= U1.ном(II)= U1.ном(III)= …
kI  kII  kIII  ... ( 0,5 фоизгача)
Трансформаторларни параллел ишлашга улаш шартлари:
2-шарт. Параллел уланадиган ва ишлаб турган трансформаторларнинг қисқа туташув кучланишлари бир хил бўлиши керак, яъни
uқ. I  uқ. II  uқ. III  ... (10 фоизгача )
3-шарт. Трансформаторлар чулғамларининг уланиши битта гуруҳга тааллуқли бўлиши лозим.
Параллел ишлатиладиган трансформаторлар номинал қувватларининг нисбати 3 : 1 дан катта бўлмаслиги керак.