Pandemiya sharoitida bank huquqining mohiyati, kelib chiqishi, rivojlanishi

---

---

---

3 
Kirish 
Pandemiya sharoitida bank huquqining mohiyati, kelib chiqishi, rivojlanishi, 
bank huquqi normalari, huquq shakllari (manbalari), huquqiy munosabatlar, bank 
operatsiyalarini amalga oshirishda huquqiy normalar, huquqiy tartibga solish 
mexanizmi, bank huquqining rivojlanish istiqboli va yo‘llari kabi masalalarni 
qamraydi.
Shuningdek, mazkur fanning predmetini o‘rganish jarayonida tijorat banklari 
faoliyatining huquqiy asoslarini, bank operatsiyalari va bank bitimlari huquqiy 
asoslari hamda banklarning xalqaro operatsiyalari bo‘yicha bitimlarini huquqiy
jihatdan o‘rganish asosiy maqsad qilingan.
O‘quv dasturi “Bank huquqi” fani bo‘yicha talabalarning bilim, ko‘nikma va 
malakalariga qo‘yilgan talablarga muvofiq ishlab chikilgan. Fan dasturi tarkibi 
fanning maqsadi, vazifalari va o‘rganadigan muammolari, talabalarning fan 
bo‘yicha egallashi lozim bo‘lgan bilim, ko‘nikma va malakalar tavsifi, nazariy, 
amaliy va mustaqil ish mashg‘ulotlari hajmi va mazmuni, metodik tavsiyalar, 
rejalar, o‘quv-uslubiy adabiyotlar va didaktik vositalar ro‘yxati hamda baholash 
mezonlarini qamrab olgan. 
Yuqoridagilardan kelib chiqib, bank faoliyatida ish yuritadigan kadrlarga 
alohida talablar qo’yiladi. Bu fan iqtisodiyotning ajralmas qismi hisoblangan bank 
tizimiga, shuningdek moliya-iqtisod sohalariga raqobatbardosh kadrlar etkazib 
berishda muhim o’rin tutadi. 
 
I.
 
O’quv fanning dolzarbligi va oliy kasbiy ta’limdagi o’rni 
 
O‘zbekiston Respublikasi Prezidentining 2017 yil 12 sentabrdagi PQ-3270-
sonli “Respublika bank tizimini yanada rivojlantirish va barqarorligini oshirish 
chora-tadbirlari to‘g‘risida”gi qarorida ko‘rsatilayotgan bank xizmatlari sifatini 
yanada oshirish hamda tadbirkorlik sub’ektlari bilan to‘laqonli hamkorlik 
munosabatlarini o‘rnatish uchun tijorat banklarining ish uslublarini tubdan 
yaxshilash, aholi va xo‘jalik sub’ektlarining bank tizimiga ishonchli institutsional 
hamkor sifatida qarashlarini mustahkamlash vazifalari kabi dolzarb vazifalarni 
qo‘yilganligi mazkur fanning o‘qitishning dolzabligini yanada oshiradi. 
«Bank huquqi» fani bank tizimi faoliyatini tashkil etish, uni nazorat qilish va 
tartibga solishning me’yoriy-huquqiy asoslarini o‘rganadi. Shuningdek, Markaziy 
bank va tijorat banklari, ularning maqsadi va vazifalari, amalga oshiradigan 
operatsiyalari, huquq va majburiyatlarining huquqiy asoslarini keng yoritadi. Bu 
fanni o‘rganish uchun O‘zbekiston Respublikasi Prezidenti, O‘zbekiston 
Respublikasi Vazirlar Mahkamasi, O‘zbekiston Respublikasi Markaziy banki va 
boshqa qator tegishli tashkilotlarning me’yoriy-huquqiy hujjatlari bilan tanishib 
chiqish maqsadga muvofiq.