Page nawha – safar-e-imam-hussain (AS)


Suna hai "SARWARO REHAN" khwahare shabbir



Download 0,81 Mb.
bet5/7
Sana09.09.2017
Hajmi0,81 Mb.
#20590
1   2   3   4   5   6   7

Suna hai "SARWARO REHAN" khwahare shabbir


Ali ke lehje me karti thi jis ghadi takreer

Yazeed-o-shimr (las) ke sine pe chalti thi shamsheer

O jab ye kehti thi wade ko me nibhaaungi

NAWHA – SEHZAADI BIBI ZAINAB-E-KUBRA (SMA)

(SHAAM KA BAZAAR)


(PARDA DUNIYA KO SIKHANE WALI

AAYI BAZAARON MEIN ZAINAB x 2)

GHAR SE BAHAR BHI NA AANE WALI (2)

AAYI BAZAARON MEIN ZAINAB

PARDA DUNIYA KO SIKHANE WALI

AAYI BAZAARON MEIN ZAINAB
Jisne baba se chuda-e-the kayi baar aseer (2)

Qaidi azaad karane wali (2) Aayi bazaaron mein Zainab


Jalte Khaimon se uta laayi Abbas ke Ba’ad (2)

Ali Aabid ko bachane wali (2) Aayi bazaaron mein Zainab



Deen ki khaatir-ye bee-bi saalar bani (2)

Banke Abbas dikhane wali (2) Aayi bazaaron mein Zainab


Apne seenay pe Sakina ko zindaanon mein (2)

Ba’ad bhaayi ke sulaane wali (2) Aayi bazaaron mein Zainab


Nange sar pad-ti-rahi khutbe bazaaron mein (2)

Kasre dushman ko hilane wali (2) Aayi bazaaron mei Zainab


Kufe aur shaam bhi saare-gaye ye baali johar (2)

Azmate deen ko badane wali (2) Aayi bazaron mein Zainab



NAWHA – SEHZAADI BIBI ZAINAB-E-KUBRA (SMA)

(SHAAM KA BAZAAR)


US WAQT JABKE ZAINAB, DARBAR ME GAYI THI,

QA’ARI NAMAZIYO(N) SE, MEHFIL SAJI HUWI THI,

ZALIM YE PUCHTA-THA. GHA’AZI TERA KAHAN HAI,

BALO(N) SE MU(N) CHUPA’AYE, ZAINAB YE KEH RAHI THI,

Ay mere babajaan, horahi hai azaa(n), sar chhupau(n) kahan x2
Majmaye aam me, bewatan be amaa(n), agaya karvaan

Ay mere babajaan, horahi hai azaa(n), sar chhupau(n) kahan x2


Mai bhi hu(n) marziya, binte khayrun nisa,

Mere lehje me hai, baba teri ada

Naam zainab mera, tune jo rakhdiya, day de apni zubaa(n)
Babajaan me rida mangti rehgayi,

Bamo dar saj gaye, jee-teji margayi,

Halqaye shaam me, nam sunkar mera, margaya naatawa(n)
Haath ka’ano pe hai, neel gaalo(n) pe hai,

Aur nisha(n) jo sakina ke sha’ano pe hai

Har nishan se yahi, aa-rahi hai sada, babajaan babajaan
Shaame ashoor se, shaamo kufa talak,

Maine manga nahin hai khira’aje fadak,

Meri chadar se hai, meri maa ka suku(n), sunle zalim jahaa(n)
Babajaan ye tera akhri tha bayan,

Teri chadar bachayega ghazi jawaa(n),

Margaya bawafa, chingayi hai rida, kehti hai bibiya(n) ABBASx9
Ruk na paya mere bawafa ka O sar,

Nouke naiza se aane laga khaak par,

Behn ko darbadar, dekhkar nange sar, seh na paya jawaa(n)
Haath kano pe hai, neel gaalo(n) pe hai,

Aur nisha(n) jo sakina ke shaano pe hai

Har nishan se yahi, aa rahi hai sada, babajaan babajaan
Kal thi Maa aaj mai-bhi hu(n) darbaar me,

Misle Zahra khadi hu(n) me aghiyaar me,

Us taraf hai shaqi, is taraf rehgayi, bepadar betiya(n)
Aysa khutba diya mene darbaar me, Likhraha hai jo "YAWAR" tere pyar me, Lehjaye hayderi, har azaan ke liye, hai sadaye aza(n)

NAWHA – SEHZAADI BIBI ZAINAB-E-KUBRA (SMA)

(SHAAM KA BAZAAR)


SAJJAD MAI ZAINAB HU

MERE SAR PE RIDA KOI NAHI - BAZAAR–E–JAFA

MAJMA HAI KUFIYOON KA

MERE CHALNE KI JAA KOYI NAHI - BAZAAR–E–JAFA
Sajjad mere sar-say nou bar chini chadar,

Balway me nabi zaadi phirwayi gayi dar-dar

Mil jaey rida mujh-ko, aur meri dua koyi nai, bazaar–e–jafa
Sajjad chaloun kaisay lakhoon hai tamashayi,

Yaad aata hay rah-rah kay Abbas mera bhaayi,

Faryaad karun kis say, ab teray siwa koyi nai, bazaar–e–jafa
Sajjad mere dil ko ye dard sata-tha hay,

Sar ghazi ka naizey say jab khaak pe aata hai,

Sar mera khula dekhey, gham is-se bada koyi nai bazaar–e–jafa
Maloom hai aada ko, ghazi ki bahan hu mai,

Bay-dast hai woh ghazi, paband-e-rasan hu mai,

Yaad aayi wafa us ki, jab paas raha koyi nai, bazaar–e–jafa
Majboor hu bay-bas hu mai ro bhi naheen sakti,

Durroon ki aziiyat say mai so bhi naheen sakti,

Is darja musibath mai hamdard mera koi nai, bazaar–e–jafa
Sajjad teri halath dekhi naheen jati hai,

Bay parda mujhe dekhey ye baath rulaati hai,

Sajjad teri tarha kanton pe chala koi nai, bazaar–e–jafa
Mauth aaey-gi zindaan mai, meri bali Sakina ko,

Kya jaakey bataoungi bimaar-e-Madina ko,

Gham dil pe uthaney ko, ab baqi bacha koi nai, bazaar–e–jafa
Jaata hai suwe zindaan ab kunba Muhammad ka,

rassi me bandhey qaidi kanton say bhara rasta,

ummat nay sitam dhaey qismat say gila koi nai bazar–e–jafa
Bazar-e-sitam me tha Zainab ka ajab aalam,

MAZHAR me likhu kaisey zalim nay kaha jis dam,

Hay kaun tera waaris, Zainab nay kaha koi nai, bazaar–e–jafa
Majma hay kofioon ka meray chalnay ki jaa koi nai bazar–e–jafa

Sajjad me zainab hu mere sar pe rida koi nai, bazaar–e–jafa



NAWHA – SEHZAADI BIBI ZAINAB-E-KUBRA (SMA)

(SHAAM KA BAZAAR)


BAAZAR KE MANZAR KO

Aur apne khule sar ko bhuli nahi mai (2)


Apne bandhe haathoon ko,

bimarke zewar-ko bhuli nahi mai


Ut-thi huwi aandhi ko, wehshath ko bayabaan ko
Chuptay huwe suraj ko, ta’areeki ko maidaan ko
Chaltay huwe khanjar ko, naize pay teray sar ko

Ik chand tha badli mei, chupta-tha nikalta-tha
Parda dar-e-khaima ka, ut-tha kabhi girta-tha
O khama-e-Laila say, hai rukhsat-e-Akbar ko
Lehratay huwe naize, hai shimr (la) ka wo bhadna
Aa-aa ke mere peechay, har bibi ka wo chupna
Sholoon mei ghiray ghar ko, chinti huwi chadar ko

Yaad ata hai ik maan ka, wo khaak mei das jana
Aur aag kay sholoon mei, wo maa ka jhulas jana
Jaltay huwe jhulay say, lipti huwi madar ko
Masoom Sakina ko, badtay huwe naizoon ko
Giste huwe galoon ko, bay reham tamachoon ko
Giste huwe kanoo ko, Chin-tay huwe gowhar ko
Jiss raat mei tanha thi, uss raat kay dhalnay ko
Tootey huwe naize ko, uss raat kay pehray ko
Bachoon ke sisakne ko, aur raat kay bistar ko

Hai aaj bhi wo giriyaa, Hai aaj bhi wo zaari


Hai aaj bhi pathar ke, Seenese se lahu jaari

Rote huwe pathar ko, Pathar pe rakhe sarko,

Bhuli nahin mai

NAWHA – BIBI ZAINAB-E-KUBRA (SMA)
HAI BAZAAR-E-SHA’AM JAKAR’RR

ZAINAB KO GHAZI YAAD AYA (3...)



HAI BAZAAR-E-SHA’AM JAKAR’RR (2)

ZAINAB KO GHAZI YAAD AYA (3...)


Ankhoon se khoon jaari, sarpe rida nahin thi

Zakmi haram ke dethey, kooyi dawa nahin thi



Jab duray lage badan par (2), Zainab ko ghazi yaad aaya (3)
Sadaath pa ba-rehna, kaatoon bhare thay raste

Roote thay jab ye khaidi, be-dar-dilo ke haste



Jab dekhi seena pe chaadar (2) Zainab ko ghazi yaad aaya (3)
Humsheer royi uspar, taqdeer royi uspar

Bimar jab-bhi royaa, zanzeer royi uspar



Hai ghaliyoon mai barse pathar (2) Zainab ko ghazi yaad aaya (3)
Jo malka-ye haya thi, raahoon mai be-rida thi,

Ye souch-kar-hi Zainab, bas mehve marsiya thi



Hai Sheereen ke ghar mai jaakar (2) Zainab ko ghazi yaad aaya (3)
Isss-say badi qayamat kya aur hogi logoon

Aabid ne apne sar ko, kyun na utaya souchoo



O kehta tha bas ye rookar (2) Zainab ko ghazi yaad aaya (3)
Abbas ki behan par, ek aisa waqt aaya,

Darbar mai sitam ke, Shimre (la) layin pukara



Hai kaun shay ki khwaahar (2) Zainab ko ghazi yaad aaya (3)
Nikli thi jab O ghar se, manzar O yaad aayaa,

Nazre jhukaoo logoon, Abbas ne kaha tha



Ab Shaam mai khule sar (2) Zainab ko ghazi yaad aaya (3)
(At-tara (18) Bhaayioon ki humsheer, aur khule sar

Ay log taras kha-oo, Zainab ko de-do chaadar



Fiza jo boli rookar (2) Zainab ko ghazi yaad aaya (3)
Darbaar mai gayi thi, ek roz Fathima (sma) bhi

Lekin rida thi sar par, betoon say thi tasal-li



Yaad aaya use ye manzar (2) Zainab ko ghazi yaad aaya (3)
Guzri jo bibi-yoon par, kya Shaadman sunaaye,

Mazhar mera kalaija, sadmoon say phat na jaaye

Bas rooko khalam ye keh-kar (2) Zainab ko ghazi yaad aaya (3)

NAWHA – SEHZAADI BIBI ZAINAB-E-KUBRA (SMA)

(SHAAM KA BAZAAR)


AGAYI BINTE ALI, BERIDA HAATH BANDHE

BHARRE BAAZARON MAIN
Jiss ne suraj nah kabhi dekha tha

Ro-rahi hai voh gunahgaronh mai



Kaun jaanay ke yeh hai kaun, rassan pehne huwe
Berida roti hai Sajjad ke peeche chup ke
Sisskiyanh dubi hain jiss Bibi kee
Hai zanjeeron ke jhankaroon mai

Hai Zahra teri kismath na-millah Haq tujhko
Aise tazim teri ki hai mussalmanon ne
Tera Haqq mangne aayi Zainab
Ek menosh ke darrbaronh meinh

Kahan Zainab aur kahan shaam ke logonh ka hajum
Sarr barehana oonchee avaaz mainh khutbe padna
Qatlay murrsal ka havaala de karr
Chadare Mangna badh-karonh se

Aag Khaymonh ko lagi aur thay Sajjad be-hosh
Roro Abbas ko deti-thi sadaen Zainab
Lutloo chaadare Sayyedaniyyonh ki
Shor barpa tha sitamgaronh meinh

Kiss tarha kaate Sakina raath Baba ke beghair
Sogayyi Qaid se tanhhaee meinh rote rote
Hitchkiyyanh dabb gayyee Massooma ki
Hae zindan ke deevaronh meinh

Jiss jagga Majlis-e-Shabbir ho barpa Akhtar
Chhor Karr dukhiyya vahanh roti hai Zahra aa Karr
Baal Kholay huwe saar peet-thi hai
Apne pyaaronh ke Azadaaronh meinh

NAWHA – SEHZAADI BIBI ZAINAB-E-KUBRA (SMA)

(SHAAM KA BAZAAR)


ALAMDAR HAI ALAMDAR (3)

Roti hai Zainab (Hai Alamdar), Pyasi hai Zainab (Hai Alamdar)

Qaidi Hai Zainab (Hai Alamdar), Jati Hai Zainab (Hai Alamdar)

Alamdar Hai Alamdar x3


Shaam chali teri behan be rida, Khafela salar hai Zainul Eba

Choud ke maqtal me tujhe be kafan. Jati hu bazar mere ba wafa



Khaid huwi dekh nabi zadiyan, Bazu-O-mai bandhi gayi reesma

Dekh le Zainab ki zara bekasi, Koi nahi koi nahi paas baa



Dard hai tanhaiyi hai faryaad bi, Hashre bapa hai dile nashad bi

Lekay chale hai ye sitam-gar mujhe, Alvida ay bhayi teri yaad mai.



Yaad teri ayengi har gaam par, Kalb ko tadpayengi har gaam par

Tujse juda hoke-ye teri behan, Kehte huwe jayengi har gaam par



Dard se lachar behan kya kare, Mere Alamdar Behan kya kare

Koi Nahi aaj mera dasht mai, Gham me giraftar behan kya kare



Dilpe har-ek zakhmo ko sehte huwe, Sham talak jayengi rote huwe

Teri judaai me mere ba wafa, Aaj sare dasht ye kehte huwe



Baad tere dasht mai chadar chini, Nawha khuna mujpe huwi bekasi

Tere bina kaise bhala jayengi, Shaam ke darbar mai binte Ali



Loot padi aisi ke sab lut gaya, Ghar tere jane ke sabab lut gaya

Wo jo bhara ghar tha tere samne, Aake zara dekh wo ab lut gaya



NAWHA – SEHZAADI BIBI ZAINAB-E-KUBRA (SMA)

(SHAAM KA BAZAAR)


ZAINAB AAGAYI HAI SHAAM

Meri rida ke pasbaan, Rida laake ke udaa-de

(Khula hai sar, khule bazaar rida laake udaa-de) x3
Ay mere ghazi alamdaar, Rida laake ke uda de

(Khula hai sar khule bazaar rida laake urha de) x3


Ye buturab ki beti ho kyu(n) na fariyaadi

Agar wo touqo salaasil se paaye azaadi

O mera abide bimaar, rida laake ke uda de
Wo beridaayi ke sadme ko kaise jhelega

Ye dard Abide muztar ki jaan lelega

Guzar na jaaye dilafgar, rida laake ke uda-de
Mujhe chhupale mere ghazi in nigaaho(n) se

Sabeel aisi banaa koyi, thay-ho ye raste

Na dekhe mujhko sitamghaar, rida laake ke uda de
Ghareeb hoogayi umath ne di saza mujhko

Tu dekh sakta nahi ghazi berida mujhko

Sina se gir gahi farwa, rida laake ke uda de
Tujhe sakina ke ashko(n) ki hai qasam ghazi

Tamaam umr-mai phir tujse khuch na mangungi

Ay ibne Haidere karrar, rida laake ke uda de
Tujhe to baba ne bakhshi hai masnade aali

Sawali koyi tere dar se kab gaya khali

Zamane bhar ke madadghar, rida laake ke uda de
Kabhi jo ghar se nikalti-me saal me ek baar

Tu ba’dke logo(n) se kehta tha, band karo bazaar

Wahi behan wahi bazaar, rida laake ke uda de
Sare hussain bhi rota hai nouke naiza par

Padar bhi rote hai, nana bhi, bas yahi kehkar

Khule saro(n) ke wafadar, rida laake ke uda de
Sada ye shaam se aati hai "MAZAHAR-O-IRFAN"

Tadap ke aaj bhi kehti hai Zainab-e-Zeeshaan

Meri rida ke nigehbaan, rida laake ke uda de

NAWHA – SEHZAADI BIBI ZAINAB-E-KUBRA (SMA)

(SHAAM KA BAZAAR)


BE RIDA SHAAM KE DARBAAR MAIN JAANA ZAINAB
Zalzale aayenge us waqt zamin par paiham

Chaadarein cheen ke le jayenge ban’iye sitam

Aur balwey mein tamashai banay naa mahram

Apne baalou hi-se mouh apna chupana Zainab

Be rida shaam ke darbaar main jaana Zainab
Meri naadan Sakina ko na rone dena

Baad mere koi takleef na hone dena

Garm reti pa kabhi usko na sone dena

Apne seene pe Sak’eena ko sulana Zainab

Be rida shaam ke darbaar main jaana Zainab
Gudkiyan meri Sakina ko jo de Shimre (la) layeen

Seiliya maarne aaye jo usey woh be deen

Khauf ke maarey nikal jaaye na jungle mein kahin

Apni aaghosh mein tum usko chupana Zainab

Be rida shaam ke darbaar main jaana Zainab
Yeh luta karwan jis waqt Madinah pohnche

Aake jo dukhtare bimar pidar ko pooche

Aur be sheer ko jis waqt woh dukhiya dhoonde

Meri Sughra ko kalaije se lagana Zainab

Be rida shaam ke darbaar main jaana Zainab
Khaafila ahle haram ka jo Madinah jaaye

Aur asnae safar mein mera maqtal aaye

Tumko fursat jo ghadi bhar ke liye mil jaaye

Chand aansoo meri turbat pe bahana Zainab

Be rida shaam ke darbaar main jaana Zainab
Karbala mein jo mere ghar pe musibath guzri

Aur baazaaroon mein tum par jo aziyath guzri

Mukhtasar yeh hai ke jo kuch bhi qayamat guzri

Saari rudaad meri maa ko sunana Zainab

Be rida shaam ke darbaar main jaana Zainab

NAWHA – SEHZAADI BIBI ZAINAB-E-KUBRA (SMA)

(SHAAM KA BAZAAR)


MAI RAAHE SHAAM SE GUZRI HOON BE-RIDA BABA

ASEER-E-ZULM HOON ROTI HOON BE-RIDA BABA


Tha bekafan tera Islam mai rida dekar
Bala ke dasht se aayi hoon be-rida baba

Sitham garoon ne sathaya hai taziyaano se
Jo thak ke raah mein sooyi hoon be-rida baba

Ado jo durre lagata hai mere Abid ko
Mai dil ko tham kar bhaiti hoon be-rida baba

Lahoo bahata hai ankhon se Abid-e-muztar
Mai jab bhi kantoo pe chalti hoon be-rida baba

Safar ki khaak ne balon ka kar liya parda
Mai is ke baad bhi phirthi hoon be-rida baba

Meri aseeri pay MAZHER ne yeh likha nawha
Har ek lafz pe tadpi hoon be-rida baba

NAWHA – SEHZAADI BIBI ZAINAB-E-KUBRA (SMA)

(RETURN TO MADINA)


Haay, zindaa(n) ki qayd kaatke, Jab Saniy-e-Zehra…..

Ponchi watan to koyi bhi pehchaan na paaya

Aray Abdullah ibne Jaffar-e-Tayyar ne poocha

Tu koun hai kya naam hai tera ay zaeefaa

Ye sunke fuga karnay lagi Saniy-e-Zehra,

Are zauja hu aap ki mujhe pehchaano khudara

Mei Awn-O-Muhammad ki maa hu (2)

Pehchaano khudara (2) Mujko to jite ji gham-e-shabbir ne mara

Mei Awn-O-Muhammad ki maa hu (2)
Baalo ki safedi ka sabab pucho na mujhse,

In ankhon ne dekhe hai sitham karbobala ke,

Ghar lut gaya sara, pehchaano khudara, Mujko….

Chehre-se numaya jo mere karbobala hai,

Ye haal to Abbas ke marne se huwa hai,

Chuta wo saharaa, pehchaano khudara, Mujko….

Ek zakhm hai qasim ka mere kalb-o-jigar me,

Jo chaand ujaalay ka sabab tha mere ghar mei,

Wo bhi gaya maraaa, pehchaano khudara, Mujko….

Bas bhaayi ki matam mei rahi qayd bhi kaati,

Leykin mei kabhi Awn-O-Muhammad ko na rowi,

Ab deti hu pursaaa, pehchaano khudara, Mujko….

Bazaar mei Abid pe zaeefi huwi taari,

Wo aaj bhi rota hai aseeri pe hamari,

Ghamkhwaar hamaraaa, pehchaano khudara, Mujko….

Aray sadaat ke halke ne mujhe aake chupaaya,

Jab shaam ke hakim ne mera naam pukaara,

Us ranj ne maraa, pehchaano khudara, Mujko….

Shiree(n) se mulakath huwi raah mei ek baar,

Pehchaan nahi paayi mujhe wo-bi dilafgar,

Dil roke pukaaraaa, pehchaano khudara, Mujko….

Sab ghayr kujaara hai damishkaar kuja mei,

Karbal se chali hogaye khud karbobala mei,

Zulmat ka safar thaaa, pehchaano khudara, Mujko….

"IRFAN" ye alfaaz jo "MAZHAR" ne likhe hai,

Insaan tho kya cheez hai patthar ko rula de,

Jaise ke ye jumla pehchaano khudara, Mujko….

Mujko to jite ji gham-e-shabbir ne mara



NAWHA – SEHZAADI BIBI ZAINAB-E-KUBRA (SMA)

(RETURN TO MADINA)



NA MEHMIL HAI, NA HAUDAJ HAI, NA LASHKAR KI WO SAJ-DHAJ HAI,

NA SARPE ALAM NA CHADAR HAI, ALLAH YE KAISA MANZAR HAI,

MUSAFIRANE MUSIBATH, WATAN ME AATE HAI (2)
SAFAR SE AATE HAI SOU-GHATE DARD LAATE HAI

Kiya salaam Muhammed ke aastane ko,

Lutaa ke aaye hai Zehra ke sab gharane ko,

Na kar qabool tu hum bekaso ke aane ko,

Ye nawha karte hai aur ashk khu(n) bahaate hai

Madina hum tere waali ko aaye hai kho kar,

Madina Kufe me sar nange hum phire dardar,

Madina daaghe rasan hai humare shaano par,

Utaa ke haath Madine ko ye sunaate hain,

Har ek kadam hai buka kab labo pe bayn nahin,

Ham aye zindaa pa Zehra ka noor ayn nahin,

Madina Akbar-o-Qasim nahi Hussain nahin,

Ye kaise kaise jawaan the jo yaad aate hai

Madine waalo kaho us behan ki kya taqdeer,

Jo dekhe apne biradar ke halq par shamsheer,

Lahu me ghark jo dekhe Hussain ki tasveer,

Lahu me kya yuhi bhaayi ka sar dikhate hai

Batawo kahte hai kya sab us amma jaayi ko,

Jo arbaeen talak de kafan na bhaayi ko,

Bahen dikhayegi mu(n) kis tarha khudaayi ko,

Kafan diya hai na unki lehed banaate hai

Chala bashir ye deta huwa khabar har jaa,

Magar mehlaye hashim me dekhta hai kya,

Ke ik mariza sare raah hai khadi tanha,

Hai muntazir ke wo kunbe ke log aate hai

Khabar ye phay-li to matham har-ek ghar me huwa,

Nikal-nikal padi sab aurathe ba-rehna paa,

Giri zamin pe Sughra ke uspe charkh gira

Ye soghwaar hai Sughra ke paas ate hai

Fiza-e-dard me lekar udaasiyaa aayi,

Safar se lut ke idher bhukhi pyasiya aayi,

Utho Rasul tumhari nawasiya ayi,

Ye khud-ko uuntoon se ehle haram ghiraate hai


Download 0,81 Mb.

Do'stlaringiz bilan baham:
1   2   3   4   5   6   7




Ma'lumotlar bazasi mualliflik huquqi bilan himoyalangan ©hozir.org 2024
ma'muriyatiga murojaat qiling

kiriting | ro'yxatdan o'tish
    Bosh sahifa
юртда тантана
Боғда битган
Бугун юртда
Эшитганлар жилманглар
Эшитмадим деманглар
битган бодомлар
Yangiariq tumani
qitish marakazi
Raqamli texnologiyalar
ilishida muhokamadan
tasdiqqa tavsiya
tavsiya etilgan
iqtisodiyot kafedrasi
steiermarkischen landesregierung
asarlaringizni yuboring
o'zingizning asarlaringizni
Iltimos faqat
faqat o'zingizning
steierm rkischen
landesregierung fachabteilung
rkischen landesregierung
hamshira loyihasi
loyihasi mavsum
faolyatining oqibatlari
asosiy adabiyotlar
fakulteti ahborot
ahborot havfsizligi
havfsizligi kafedrasi
fanidan bo’yicha
fakulteti iqtisodiyot
boshqaruv fakulteti
chiqarishda boshqaruv
ishlab chiqarishda
iqtisodiyot fakultet
multiservis tarmoqlari
fanidan asosiy
Uzbek fanidan
mavzulari potok
asosidagi multiservis
'aliyyil a'ziym
billahil 'aliyyil
illaa billahil
quvvata illaa
falah' deganida
Kompyuter savodxonligi
bo’yicha mustaqil
'alal falah'
Hayya 'alal
'alas soloh
Hayya 'alas
mavsum boyicha


yuklab olish