П. Мирхамидова, А.Ҳ. Вахобов, Қ. Давранов, Г. С. Турсунбоева

11.4. Ўсимликлар ва ҳайвонларда ген инженерлиги 
Ўсимлик ҳужайраларига генлар турли усул билан киритилади: 
Икки паллали ўсимликлар учун табиий вектор, яъни агробактериялар 
плазмидасидан фойдаланилади. Бир паллали ўсимликлар учун ҳам ушбу 
усулдан фойдаланилади, лекин бу усул бир-оз қийинчиликлар туғдиради. 
Агробактерияларга нисбатан чидамли бўлган ўсимликларда эса, генлар 
бевосита физик йўл билан киритилади. Булар: микрозаррачалар билан 
«хужум» қилиш ёки балластик метод; электропорация, полиэтиленгликол 
билан ишлов бериш; ДНКни липосома таркибига ўтказиш ва бошқалар. 

---

 261 
Энг қулай метод микрозаррачалар билан «ҳужум» қилиш методи 
ҳисобланади. Юқори тезликда заррачалар ядрога бевосита кириб, 
трансформация самарадорлигини оширади. Шу усул билан ДНКга эга 
бўлган 
ҳужайранинг 
бошқа 
органеллалари 
– 
хлоропластлар 
ва 
митохондрияларни ҳам трансформациялаш мумкин. 
Охирги вақтларда комбинацияланган трансформация методи – 
агролистик методи ҳам яратилиб, амалда қўлланилмоқда. Бунда бегона ДНК 
тўқимага бирор-бир физик йўл, масалан баллистик йўл билан киритилади. 
Киритилаётган ДНК да Т-ДНК вектор ва маркер гени, ҳамда 
вирулентликнинг агробактериал гени бўлиши керак. Ўсимлик ҳужайрасида 
вирулентлик генини вақтинчалик экспрессияси оқсиллар синтезига олиб 
келади. Бу оқсиллар плазмидадан Т-ДНКни тўғри кесиб, уни агробактериал 
трансформациядаги сингари ҳўжайин геномига жойлаштиради. Сўнг in vitro 
да таркибида ҳужайраларнинг кўпайиши учун зарур бўлган фитогормонли 
озуқа муҳитига экилади. Озуқа муҳитида одатда трансген ўсимликлар 
чидамлиликка эришиши учун селектив маркер бўлиши керак. 
Регенерация кўпроқ каллус босқичидан сўнг рўй беради. Сўнгра муҳит 
тўғри танлай олинса органогенез бошланади. Униб чиққан куртаклар илдиз 
бериши учун бошқа муҳитга ўтказилади.