Oziq ovqat texnologiyasi

Takrorlash uchun savollar
1. Yog‘larni gidroliz jarayoni
2. Gidroliz bosqichlari
3. Gidroliz natijasida glitserid, glitserin va yog‘ kislotalarining tarkibini o‘zgarishi
4. Gidrolizning ahamiyati
5. Gidroliz tezligiga turli omillarning ta’siri
6. Yog‘ kislotalarida suvning erishi
7. Gidrolizlanish darajasi
8. Gidroliz jarayonida suvning miqdori
9. Gidroliz jarayonining mexanizmi


Tayanch so‘z va iboralar.
Gidroliz; Harorat; Glitserid; Geterogen sistema; Tezlik; Glitserin; Yog‘ kislotasi; Gidrolizlanish darajasi; Petrov kontakti.


6-MA’RUZA
DISTILLANGAN GLISERIN OLISH TEXNOLOGIYASI


Reja: Distillangan gliserin olish. Gliserinni distillyasiyalashni maqsadi va mohiyati. Ochiq bug’ni, vakuumni, haroratni o’rni. Gudronni tarkibi va uni ishlatilishi. Distillyasiyalash jarayonida chiqindi va yo’qotishlar. Distillangan gliserinni oqlash.


Distillangan glitserinning olinishi. Distillangan glitserin texnik glitseringa nisbatan yuqori konsentratsiyaga (98 %) va sifatga ega.
Distillangan glitserin olishning ikki xil usuli ma’lum:

1. 
   texnik glitserinni distillyasiyasi
   
2. 
   glitserinli suvni ion almashinish usuli bilan tozalash so‘ngra bug‘latish.
   

Xom glitserinni aralashmalardan tozalash suv bug‘i bilan vakuum ostida
haydash orqali amalga oshiriladi. Toza glitserinni qaynash harorati 290⁰C ga teng. Bunday haroratda glitserin akrolein va turli kislotalar hosil qilib parchalanadi. Shuning uchun atmosfera bosimida distillyasiya jarayonini o‘tkazish glitserin sifatini yomonlashtiradi. Hozirgi vaqtda glitserinni distillyasiyalash 170-180⁰C da vakuum (15-20 mm simob ust) ostida olib boriladi. Glitserinni distillyasiyalash vaqtida hosil bo‘lgan bug‘ni sekin-asta yoki fraksiyali kondensatsiya qilinadi. Bunda havoli va suv yuzali kondensatorlar ishlatiladi. Bunda birinchi navbatda yuqori haroratda qaynovchi komponent - glitserin kondensatsiyalanadi, demak havoli kondensator-dan so‘ng yuqori konsentratsiyali 98 % li glitserin olinadi.
Yuqori va 1-navli glitserin olish uchun distillyasiyalangan glitserin aktivlangan ko‘mir bilan oqlanadi (glitserin og‘irligiga nisbatan 0,25-0,75%). Oqlash jarayoni 2-3 soat davomida 80⁰C da olib boriladi.