Oziq ovqat texnologiyasi

Davriy usulda avtoklavlarda yog‘larni gidrolizlashning texnologik sxemasi (36-rasm). Yog‘ (3) bakdan (u yerda 85-90⁰C gacha isitiladi) (4) o‘lchagich orqali

36 – rasm. Davriy usulda avtoklavlarda yog‘larni gidrolizlanishni texnologik sxemasi

4,5 t miqdorda (25) nasos bilan (5) avtoklavga yuboriladi. Kuchsiz glitserinli suvni (5%) (6) bakda 95⁰C gacha qizdiriladi va (7) o‘lchagich orqali 1,6-1,7t miqdorda avtoklavga yuboriladi. Avtoklavda bosim 20-25 atm bo‘lib 220-225⁰C gacha isitiladi. 3 soat qaynatilgandan so‘ng yog‘ 85-87% parchalanadi. Shundan so‘ng bug‘ berish to‘xtatiladi va avtoklavdagi aralashma 15 min davomida tindiriladi. Tarkibida 15-16% glitserini bo‘lgan glitserinli suv bosim (8) pasaytirgich orqali (9) bakga quyiladi. Yog‘ kislotalariga (10) bakdan 1,2 t miqdorda kondensat qo‘shiladi va parchalashni ikkinchi davri boshlanadi, u 2 soat davom etadi. Shundan so‘ng glitserinli suv bakga, yog‘ kislotalari esa (11) bakga yuboriladi.

Keyin esa yog‘ kislotalari (12) bakda kondensat bilan (yog‘ kislotasi og‘irligiga nisbatan 10%) yuviladi. Yuvilgan suvni yog‘ (13) tutgich orqali bak (14)ga yuboriladi. Yog‘ kislotalari (15) nasos bilan keyingi ishlovga beriladi. 1-glitserinli suvda 0,2-0,3% erigan yog‘ kislotalari bor, shuning uchun uni ohak bilan ishlanadi. Buning uchun glitserinli suv (9) bakdan (17) neytralizatorga keladi, u yerda u 85⁰C gacha qizdiriladi. Aralashtirilgan holda 12-14% li ohakli sut (Ca(OH)₂) (kuchsiz ishqor reaksiyasigacha) qo‘shiladi. Shundan so‘ng glitserinli suv (18) nasos bilan (19) filtrga yuboriladi. Filtrlangan glitserinli suv bak (20) da yig‘iladi va nasos (21) bilan bug‘latishga yuboriladi. Qisman parchalangan yog‘, yog‘ (13) tutgichda yig‘ilib, (1) bakga tushiriladi va (2) nasos bilan bak (3)ga qayta parchalash uchun yuboriladi. (1) Bakga shuningdek yog‘ qabul qilinadi va (2) nasos bilan (3) bakga yuboriladi. Kondensat (14) bakdan (16) nasos bilan yig‘uvchi bak (10) ga yuboriladi.
.
37 –rasm. Yog‘larni gidrolizlash avtoklavishi.