O’zbtkiston respublikasi oliy va o’rta maxsus ta’lim vazirligi

Hujumdagi o‘yin taktikasi haqida zaruriy xulosalar

Jamoa o‘yinining har qanday taktikasi uning o‘yinchilarini individual, guruhli va jamoaviy harakatlaridan vujudga keladi. Hujum o‘yinidagi jamoaviy taktika oldingi chiziqdagi yoki orqa qatordan chiquvchi bog‘lovchi o‘yinchi orqali amalga oshiriladi. Jamoa hujumi birinchi uzatishdan ham, ikkinchi uzatishdan ham bajarilishi mumkin. Yuqorida qarab chiqilgan jamoa tizimlari doirasida to‘p turlicha doirada turlicha tezlikda: tez yoki sekin o‘ynalishi mumkin.
Hujumni tezlik bilan o‘tkazish tizimi, “sekin” hujumga qaraganda, samaraliroq hisoblanadi, biroq uning foydalanilishi oshirishda yoki hujum zarbasidan so‘ng to‘pni sifatsiz qabul qilish bilan chegaralanadi.Tez hujumni qo‘llashning davriyligi va ishonchliligini oshirishga maydonning ichkarisidan uzatishlarda o‘yinchilarning birinchi tempda hujum qila olish mahorati yordam beradi, buni bog‘lovchi qabul qilishdan oldin hujum chizig‘i hududidagi o‘rinni egallagan bo‘lsa, bajarish mumkin bo‘ladi. Hujumda guruhli o‘zaro hamkorlikning asosini vaqt va makonda to‘siqni yutib chiqishga yo‘naltirilgan kombinatsiyalar tashkil etadi.
Hujumda o‘yinchilarning individual taktikasi guruhli va jamoaviy o‘zaro hamkorlikning asosini tashkil etadi. Uning samaradorligi o‘yinchilarning o‘yin va nazariy savodxonligi, ularning maydonchadagi voqealar rivojini oldindan ko‘ra bilishlari bilan belgilanadi.

2. Himoyadagi o‘yin taktikasi

Himoyadagi o‘yin taktikasi o‘yinga kiritilgan to‘pni va hujum zarbalarini qabul qilish hamda hujumchilarni himoyalash (straxovka) taktikalaridan iborat bo‘ladi. Bular uchta bo‘lim o‘yinchilarning jamoaviy, guruhli va individual taktik harakatlaridan tashkil topadi. (35-jadvalga qarang).

35-jadval

Hujum zarbalarini qabul qilish taktikasi

Hujum zarbalarini qabul qilish taktikasida mudofaadagi o‘yinchilarning jamoaviy, guruhli va individual harakatlariga ajratilishi qabul qilingan.