O’zbtkiston respublikasi oliy va o’rta maxsus ta’lim vazirligi

Bog‘lovchi o‘yinchi-sangvinik. Boshqalardan ko‘ra sangvinik bog‘lovchilik roliga ko‘proq mos keladi, biroq bu ham ideal variant emas. Sangviniklar to‘siqlarga bardoshli, harakatchan, yaxshi qo‘shiluvchan, odatda vaziyatga moslashuvchan. Mulohazali, o‘yin alg‘ov-dalg‘ovida “o‘zini yo‘qotib qo‘ymaydi”, emotsiyalarini jilovlay oladi va o‘yinni xushyor boshqaradi.
Sangviniklar ishonchli, aniq o‘yin vaziyatini ijodiy rivojlantira oladi. Ularning jamoalarida, odatiy murakkab o‘yin bo‘lishga qaramasdan, doimo qattiq tartib va tashkilotchilik bo‘ladi. Barqarorligi va o‘zining aniq harakatlari bilan butun jamoaga, ayniqsa, tashvishli o‘yinchilarga yaxshi ta’sir ko‘rsatadi, ularni o‘zining ishonchi bilan “ruhlantiradi”.
Sangviniklar murakkab va tez o‘yinni yaxshi ko‘radilar va eplaydilar. Ishonchli qarorlarni tez va aniq qabul qiladilar, turli o‘yin vaziyatlarida ularni xatosiz amalga oshiradilar. Intizomli, tartibli, o‘yin rejasini aniq bajaradi va maqsadga muvofiq o‘zgartirishlar kirita oladilar. Sangviniklarda odatda (ayniqsa, oldindan seza bilsa) ishonchli oshirish, himoyalash (straxovka) va himoyada yaxshi o‘yin ko‘rsata oladi. Ular bir masalaga “oyoq tirab” turib olmaydilar, agarda biror ish bajarilmaydigan bo‘lsa, yoki bajarilmasa, boshqa yechimlarni izlaydilar. Biroq ideal bog‘lovchi sangviniklarga sheriklar bilan yuzaki munosabatda bo‘lishlari xalaqit beradi. Bu o‘rtoqlarini tushunishni, ularning ichki holatini tartibga solishni ta’minlash va jamoaning
psixologik holatini yaxshilashni qiyinlashtiradi.
Bog‘lovchi-sangviniklar bilan ishlashda murabbiy ularga jamoada yuqori ijtimoiy maqomga ega bo‘lishda yordam berishi, sheriklarining ichki dunyosini va joriy holatini ko‘ra bilishga o‘rganishi lozim. Ulardagi jiddiylikni, sovuqqonlikni, hissiyot va munosabatlarning chuqur va yetuk bo‘lishini, bir so‘zli va mulohazakorlikni tarbiyalashi kerak. Demak, shunday xulosa qilish mumkinki, ideal bog‘lovchi uchun temperament, shaxs xususiyatlari va o‘yinchi xarakterining kerakli belgilarini vaqtli qorishmasi eng ko‘p darajada ma’qul keladi.