O’zbekstan respublikasi joqari ha’m orta arnawli biLİm miNİstrliGİ

 
 
 
 
 
 
 
 
 
 
 
 
 
 
 
 
 
 
 
 
 

---

28 
§2. SİYASİY REFORMALARDIN’ SOTSİAL FİLOSOFİYALIQ 
TİYKARLARI  
Siyasiy reformalar strategiyasının’ da’slepki “zuwala”sı O’zbekistan 
Respublikası Oliy Majlisinin’ X sessiyasında qa’liplesip, ja’riya qılıng’an 
to’mendegi wazıypalarda sa’wlelengen edi: demokratiyanı rawajlandırıw h’a’m 
h’uqıqıy ma’mleket qa’liplestiriw usılında ma’mleket xalqının’ barlıq 
qatlamlarının’ ma’plerin qorg’awdı ta’miynlew. Usı protsess h’a’kimiyattı 
nızamshılıq, atqarıwshı h’a’m sud h’a’kimiyatlarına ajıratıwdan baslanıwı 
kerekligi usınıs etildi. 
Reformalardın’ sotsial filosofiyalıq tiykarları nelerden ibarat bolıwı kerekligi 
da’slepki ma’rtebe sistemalastırılg’an ko’rinislerde to’mendegishe qa’liplestirilgen 
edi: 
Da’slep, o’tmish qa’telerin analizlew h’a’m oylawdan o’tkiziw, jol qoyılg’an 
ayıplardı ta’n alıw h’a’m totalitarizm printsipleri h’a’m usıllarınan pu’tkilley waz 
keshiw. 
Ekinshiden, bar bolg’an sotsiallıq h’a’diyseni real bah’alaw, ja’miyet 
rawajlanıwına mu’na’sip turmıs sharayatların jaratıwg’a sanalı ra’wishte umtılıw. 
U’shinshiden, absolyutizmnen waz keship basqalardın’ pikirlerin (olar 
a’dettegishe pikirlerge uqsamag’an bolıwına qaramastan) h’u’rmet qılıw, pikirler, 
ideyalar, turmıs ta’rizi h’a’m a’dep-ikramlılıq plyuralizmin jaqlap is ju’ritiw. 
To’rtinshiden, xalıqtın’ milliy-tariyxıy turmıs ta’rizin, oylawın, xalıqshıl 
da’stu’r h’a’m u’rp-a’detlerin esapqa alıw, olar ishinde ayrıqsha orın iyelewshi 
ja’ma’a’tshilik (kollektivizm), u’lkenlerdin’ jasın h’u’rmet qılıw, shan’araq h’a’m 
balalarg’a g’amxorlıq, qaysı milletke tiyisligine qaramastan, adamlarg’a ashıq 
joqarı da’rejede mu’na’sebette bolıw, o’zgelerge o’z-ara ja’rdemlesiw, 
awızbirishilik sıyaqlı jaqsı sezimlerge ayrıqsha itibar beriw.