Озбекстан республикасы ауыл хожалыгы министрлиги

Илмий рахбарнинг мажбуриятларига қуйидагилар киради:

-тадқиқот мавзуси доирасида юзага келиши мумкин бўлган масалалар бўйича тизимли равишда ѐрдам бериш мақсадида маслаҳатлар жадвалини тузиш;
-тадқиқот объекти, предмети ва тадқиқот ўтказиш услубларини танлашда иштирок этиш ва илмий тадқиқот ишида қўллашда магистратура талабасига кўмаклашиш;
-магистратура талабасининг белгиланган календар иш режаси ва иш дастури бўйича тадқиқот ишларининг бажарилишини ва магистрлик диссертациясини ўз вақтида тайѐрланишини назорат қилиш;
-дастлабки ҳимоягача магистрлик диссертациясига хулоса бериш.

Илмий рахбарнинг вазифаларига қуйидагилар киради:

-магистратура талабасининг иш режасини тузишда ѐрдам бериш;
-магистратура талабасига тизимли равишда маслаҳатлар бериб бориш учун тегишли жадвални тузиш. Бунда илмий рахбар магистратура талабасига ҳафтасига камида 1 марта маслаҳат бериши кўзда тутилиши лозим;
-тадқиқот услубларини танлаш ва уларни қўллашда магистратура талабасига кўмаклашиш;
-магистратура талабаси томонидан иш режасининг бажарилишини назорат қилиш ва баҳолаб бориш;
-дастлабки ҳимоя санасидан камида 3 кун олдин диссертацияга ѐзма тақриз бериш.
Диссертация мавзуси ва илмий рахбарнинг ўзгартирилиш ҳолатлари кузатилганда, унинг сабаблари магистр талабасининг ѐзма аризаси асосли равишда (мавзу тўлиқ ўзгартирилмаган ҳолда) олий таълим муассасасининг ректори буйруғи билан диссертация мавзуси ҳамда илмий рахбар тайинланади.
Диссертация мавзусини ўзгартиришда илмий рахбарнинг розилиги ҳисобга олинади.
Ўзгартирилган диссертация мавзуси ва илмий рахбар тўғрисидаги маълумот 1 ҳафта муддатда талабалар фамилияси, исми, шарифи ҳамда диссертация мавзулари қисқача мақсади ва вазифалари кўрсатилган ҳолда олий таълим муассасасининг расмий сайтида эълон қилинади.

3. Магистрлик илмий тадқиқот ишининг дастури

Илмий тадқиқотлар иш режаси, дастури сарварақ (1,2,3,4,5 -иловалар), мундарижа, кириш, адабиѐтлар шарҳи, тадқиқотларни ўтказиш шароитлари ва услублари, кутилаѐтган натижалар бўлимларидан иборат бўлади.
Магистрлик илмий тадқиқот ва илмий педагогик ишлари ҳамда илмий семинарларининг бажарилиши тасдиқланган режа ва иш дастури асосида белгиланган муддатларда ҳисобот шаклида тақдим этилади (6-илова).