O‘zbekistonrespublikasi oliyva o’rta maxsus ta’limvazirligi farg’ona politexnika instituti

Xalq ta’limi tizimida 2020/2021 o‘quv yilida umumta’lim maktablarining 11-sinflarini 36 506 nafar o‘quvchi bitirib, ularning 9 837 nafari (26,9%) oliy ta’lim muassasalariga o‘qishga qabul qilingan.
Investisiya dasturi doirasida 242,8 mlrd.so‘mlik 39 ta (shundan 9 tasini yangi qurish, 23 tasini rekonstruksiya qilish va 7 tasini mukammal ta’mirlash) ob’yektlarda 235,0 mlrd.so‘mlik (96%) qurilish-ta’mirlash ishlari bajarildi. 23 ta ob’yektlarda qurilish-ta’mirlash ishlari yakunlanib, foydalanishga topshirilmoqda.
Viloyatimizda ijtimoiy sohaning yana bir muhim bo‘g‘ini tibbiyot sohasidir.
Xususan, 2021 yil Investisiya dasturi doirasida 8 ta muassasada 70,1 mlrd.so‘mlik qurilish-ta’mirlash ishlari to‘liq bajarildi va ob’yektlar foydalanishga topshirildi.
Misol, Respublika shoshilinch tibbiy yordam ilmiy markazining Namangan viloyati filiali yangicha ko‘rinishga keltirildi, filialga 48 mlrd.so‘m mablag‘ yo‘naltirildi.
Muhtaram Prezidentimizning viloyatga qilgan tashriflari doirasida sog‘liqni saqlash sohasida amalga oshirilayotgan loyihalar uchun Respublika byudjetidan 100 mlrd.so‘m ssuda mablag‘lari ajratildi.
Ushbu mablag‘lar hisobiga 3 ta oilaviy poliklinika qurishga 22,6 mlrd.so‘m, Namangan shahar “Saxovat” uyiga 17,9 mlrd.so‘m, Uchqo‘rg‘on va Pop tumanlari qo‘shma shikaslanishlar va o‘tkir qon-tomir kasalliklari markazlari qurishga 2,2 mlrd.so‘m, viloyatdagi 17 ta poliklinikalarni ta’mirlash uchun 20,5 mlrd.so‘m, tibbiyot muassasalariga tibbiyot apparatlar sotib olish uchun 25,2 mlrd.so‘m va boshqa yo‘nalishlar uchun sarflandi.
Aholini “mahallabay” sog‘lomlashtirishda “Namangan tajribasi”ni amalga oshirish bo‘yicha 17 ta Respublika markazlari, 5 ta oliy tibbiy ta’lim muassasalari hamda 19 ta viloyat tibbiyot muassasalarining 293 nafar mutaxassisi tibbiy ko‘rikka jalb etildi.
Tibbiy ko‘riklar “mahallabay” va “xonadonbay” tartibda tashkil etilib, mavjud 779 ta mahallalardagi 37 ming nafar fuqarolar tibbiy ko‘rikdan o‘tkazildi.
Yuqori xavf guruhi hamda “Temir daftar”ga kiritilganlar orasidan ixtisoslashtirilgan tibbiy yordamga muhtoj
27 040 nafar bemorlar qatlami aniqlandi. Ushbu bemorlardan jami 147 nafarida yuqori texnologik jarrohlik amaliyotlari o‘tkazildi.
Transplantologiya yo‘nalishida 8 nafar bemorda buyrak transplantasiya jarrohlik amaliyoti muvaffaqiyatli o‘tkazildi.
Bolalarda uchraydigan tug‘ma nuqsonlardan, qattiq va yumshoq tanglay tug‘ma yorig‘i hamda yuqari lab tanglay anamaliyasida
14 nafar bemor bolalarda murakkab bo‘lgan xeyloplastika va veloplastika jarrohlik amaliyotlari o‘tkazildi.
O‘ninchidan, sport va turizm yo‘nalishida ham ijobiy o‘zgarishlar amalga oshirilmoqda.
Jumladan, aholini, ayniqsa yoshlarni sport bilan shug‘ullanishlari uchun 1014 ta sport maydonlari tashkil etilgan bo‘lib, bulardan, 655 tasi “Workout” maydonchalari, 59 tasi stritbol maydonchalari, 238 tasi mini-futbol va 47 tasi badminton maydonlarini tashkil etdi.
Shu bilan birga, jami 15 ta “Salomatlik yo‘laklari” va “Velosport yo‘laklari” tashkil etilgan bo‘lib, natijada, jismoniy tarbiya va sport bilan shug‘ullanuvchi aholi soni 724 275 nafari (24,9%), sport bilan shug‘ullanuvchi ayollar esa 249 242 nafar (8,6%)ni tashkil etdi.
2021 yilda Tokio shahrida (Yaponiya) bo‘lib o‘tgan
32-yozgi Olimpiya va 16-Paralimpiya o‘yinlarida 10 nafar viloyatimiz sportchilari tomonidan 14 ta lisenziya ko‘lga kiritildi hamda 4 nafar paralimpiyachi 5 ta medalni (2 ta oltin, 2 ta kumush va 1 ta bronza) qo‘lga kiritishdi.