O’zbekistonda ziyorat turizmi yanada rivojlantirish imkoniyatlari

Tadqiqotning amaliy ahamiyati quyidagilarda o’z aksini topgan:

- Saudiya Arabistoni va Santiago de Compostella ziyoratgohlari bilan qiyosiy tahlil qilish natijasida olingan xulosalar, O’zbekiston Respublikasida ziyorat turizmi faoliyatini yanada takomillashtirishda amaliy qo’llaniladi;
- O’zbekiston Respublikasida ziyorat turizmi faoliyatini yanada rivojlantirishga oid ishlab chiqilgan takliflarni amaliyotga kiritish evaziga, O’zbekistonda ziyorat turizmi sohasini yanada rivojlantirishga erishiladi.


Tadqiqotning natijalarining nazariy va amaliy ahamiyati : Tadqiqot natijasida olingan xulosalar O’zbekistonda ziyorat turizmini yanada rivojlantirish uchun qo’l kelib, xalqaro va ichki turizim oqimlarining sezilarli darajada oshirilishga amaliy ahamiyat kasb etadi.
Magistrlik dissertatsiyasi ishi kirish, uchta bob, xulosa va takliflar hamda foydalanilgan adabiyotlar ro’yxatidan iborat.
Kirish qismida mavzuning dolzarbligi asoslab berilgan, tadqiqot ishidan ko’zlangan maqsad va vazifalar, ilmiy yangiligi hamda amaliy ahamiyati o’z aksinin topgan.
Dissertatsiyaning birinchi bobi “Ziyorat turizmi tushunchasining nazariy asoslari” deb nomlangan bo’lib, ushbu bob 3 ta rejadan iborat. Unda Ziyorat turizmi tushunchasining mohiyati, ziyorat turizmining rivojlanish bosqichlari, diniy va ziyorat turizmi tushunchalariga qiyosiy yondashuvlar kabi nazariy masalalar taqdiq etilgan.

Ishning ikkinchi bobi “Ziyorat turizmini rivojlantirishning xorijiy tajribalari” deb nomlanib, unda Saudiya Arabistoni iqtisodiyotida ziyorat turizmining roli, Santiago de Compostelaning ziyorat turizm mexanizmlari, jahonda ziyorat turizmini rivojlantirish tendensiyalari va asosiy funksiyalari tadqiq etilgan.

Uchinchi bob “O’zbekistonda ziyorat turizmining ustuvor yo’nalishlari” deb nomlanib, unda Saudiya Arabistoni va Santiago de Compostrella ziyorat turizmi mexanizmlari tahlili natijasida olingan xulosalar asosida dunyo naqshbandiya tariqati namoyondalarini O’zbekistonga jalb qilish, O’zbekistonda ziyorat turizmining rivojlantirish yo’llariga oid , hamda “O’zbekiston muhaddislari” yangi ziyorat marshruti yaratishga oid ilmiy taklif va amaliy tavsiyalar ishlab chiqilgan.
Tadqiqot doirasida olingan ilmiy xulosalardan kelib chiqqan holda amaliy takliflar ishlab chiqilgan va dissertatsiyaning xulosa qismida bayon etilgan.